നിറവയറിൽ നൃത്തം ചെയ്ത് ലക്ഷ്മി, വയറ്റില്‍ കുഞ്ഞുണ്ടെന്ന കാര്യം ഓർക്കണമെന്ന് ആരാധകർ

സീരിയൽ പ്രേക്ഷകർക്ക് ഏറെ സുപരിചിതയാണ് ലക്ഷ്മി പ്രമോദ്. അടുത്തിടെയാണ് താൻ വീണ്ടും ഗർഭിണിയാണെന്ന സന്തോഷം ലക്ഷ്മി ആരാധകരുമായി പങ്കുവച്ചത്. ഇപ്പോഴിതാ നിറവയറിലുള്ള ലക്ഷ്മിയുടെ ഡാൻസ് വിഡിയോ ആണ് വൈറലാകുന്നത്. 

സമൂഹ മാധ്യമങ്ങളിൽ തരംഗമായ ‘മാമധുര’ എന്ന ഗാനത്തിലാണ് ലക്ഷ്മി നൃത്തം ചെയ്തത്. ചുവപ്പ് സാരിയിൽ അതിമനോഹരിയായാണ് താരം ഫാസ്റ്റ് നമ്പറിന് ചുവടുവെക്കുന്നത്. ‘ ആ ട്രെന്റ് എനിക്കെങ്ങനെ ഒഴിവാക്കാൻ പറ്റും. നിറവയറിൽ നൃത്തം ചെയ്യുന്നത് മനോഹരമായൊരു ഫീലിങ്ങാണ്. ഈ വിഡിയോ ഷൂട്ട് ചെയ്യുമ്പോൾ എന്റെ കുഞ്ഞും വയറ്റിനകത്ത് നിന്ന് ചവിട്ടി ഡാൻസ് കളിക്കുകയാണ്’. വിഡിയോ പങ്കുവച്ച് ലക്ഷ്മി കുറിച്ചു. 

നിരവധി പേരാണ് ലക്ഷ്മിയുടെ ഡാൻസിനെ അഭിനന്ദിച്ച് എത്തുന്നത്. എന്നാൽ ഇത്രയ്ക്ക് ഫാസ്റ്റ് നമ്പർ ഡാൻസൊക്കെ ഇപ്പോൾ കളിക്കണമായിരുന്നോ, പതുക്കെ, വയറ്റിൽ കുഞ്ഞുണ്ട് എന്നെല്ലാം ആരാധകർ കമന്റ് ചെയ്യുന്നുണ്ട്.