5 ദിവസം തടസപ്പെടും,പാസ്പോർട്ട് സേവനങ്ങൾ ഓൺലൈനായി തേടുന്നവർ അറിയാൻ; 5 കാര്യങ്ങൾ

പാസ്പോർട് സേവാ പോർട്ടലിലെ സേവനങ്ങൾ നവീകരണങ്ങളുടെ ഭാഗമായി 2024 ഓഗസ്റ്റ് 29 മുതൽ 2024 സെപ്റ്റംബർ 2വരെയുള്ള കാലയളവിൽ ലഭ്യമായേക്കില്ല. ഈ കാലയളവിൽ ഷെഡ്യൂൾ ചെയ്തിരുന്ന എല്ലാ അപോയ്ന്റ്മെന്റുകളും പുനക്രമീകരിക്കുമെന്നാണ് വിദേശകാര്യ മന്ത്രാലയം സ്ഥിരീകരിക്കുന്നത്. ഈ സമയത്ത് പുതിയ അപേക്ഷകളും നൽകാനാകില്ല.

∙പുതിയ പാസ്‌പോർട്ടിന് അപേക്ഷിക്കാനോ പാസ്‌പോർട്ട് പുതുക്കാനോ രാജ്യത്തുടനീളമുള്ള കേന്ദ്രങ്ങളിൽ അപ്പോയിന്റെമെന്റ് ബുക്ക് ചെയ്യുന്നതിന് പാസ്‌പോർട്ട് സേവാ പോർട്ടൽ ഉപയോഗിക്കുന്നു. 

∙അപ്പോയിന്റ്മെന്റ് ദിവസം, അപേക്ഷകർ പാസ്‌പോർട്ട് കേന്ദ്രങ്ങളിൽ എത്തി പരിശോധനയ്ക്കായി അവരുടെ രേഖകൾ നൽകണം. 

∙ഇതിനെത്തുടർന്ന്, ഒരു പൊലീസ് വെരിഫിക്കേഷൻ നടക്കുന്നു, തുടർന്ന്, പാസ്‌പോർട്ട് അപേക്ഷകന്റെ വിലാസത്തിൽ എത്തുന്നു. 

∙അപേക്ഷകർക്ക് 30-45 പ്രവൃത്തി ദിവസങ്ങൾക്കുള്ളിൽ പാസ്‌പോർട്ട് അപേക്ഷകനിൽ എത്തുന്ന റെഗുലർ മോഡ് അല്ലെങ്കിൽ ദിവസങ്ങൾക്കുള്ളിൽ അത് എത്തുന്ന തത്കാൽ മോഡ് തിരഞ്ഞെടുക്കാം.

∙ പതിവ് നടപടിക്രമങ്ങളുടെ ഭാ​ഗമായാണ് സൈറ്റ് പ്രവർത്തന രഹിതമാക്കുന്നതെന്നും പൊതുജനങ്ങൾക്ക് യാതൊരു അസൗകര്യവും ഉണ്ടാകില്ലെന്നും വിദേശകാര്യ മന്ത്രാലയം അറിയിച്ചു.

∙അതേസമയം, ഓൺലൈൻ അപേക്ഷാ ഫോറം പൂരിപ്പിക്കുന്നതിനും പാസ്‌പോർട്ടിനും അനുബന്ധ സേവനങ്ങൾക്കുമായി അപ്പോയിൻ്റ്‌മെൻ്റ് ഷെഡ്യൂൾ ചെയ്യുന്നതിനുമായി നിരവധി വ്യാജ വെബ്‌സൈറ്റുകളും മൊബൈൽ ആപ്ലിക്കേഷനുകളും അപേക്ഷകരിൽ നിന്ന് വൻ തുക ഈടാക്കുന്നതായുംന്നും ഇതിനെതിരെ കരുതലുണ്ടാകമെന്നും വിദേശകാര്യ മന്ത്രാലയം അറിയിച്ചു.