ഇന്റലിജൻസ് ബ്യൂറോയിൽ ഒാഫിസറാകാം; 995 ഒഴിവുകളിൽ ബിരുദക്കാർക്ക് അവസരം
Mail This Article
ബിരുദം മാത്രം മതി, ഇന്റലിജൻസ് ബ്യൂറോയിൽ ഒാഫിസറാകാം. കേന്ദ്ര ആഭ്യന്തര മന്ത്രാലയത്തിനു കീഴിലെ ഇന്റലിജൻസ് ബ്യൂറോയിൽ അസിസ്‌റ്റന്റ് സെൻട്രൽ ഇന്റലിജൻസ് ഓഫിസർ ഗ്രേഡ്–II/ എക്‌സിക്യൂട്ടീവ് തസ്‌തികയിലെ 995 ഒഴിവുകളിലാണ് ബിരുദക്കാർക്ക് അവസരമുള്ളത്. നേരിട്ടുള്ള നിയമനമാണ്.
അസിസ്‌റ്റന്റ് സെൻട്രൽ ഇന്റലിജൻസ് ഓഫിസർ ഗ്രേഡ് II/എക്‌സിക്യൂട്ടീവ് എക്‌സാമിനേഷൻ 2023 മുഖേനയാണ് തിരഞ്ഞെടുപ്പ്. ഡിസംബർ 15 വരെ ഒാൺലൈനായി അപേക്ഷിക്കാം. ജനറൽ സെൻട്രൽ സർവീസ്, ഗ്രൂപ്പ് സി (നോൺ ഗസറ്റഡ്, നോൺ മിനിസ്റ്റീരിയൽ) തസ്‌തികയാണ്. ഭിന്നശേഷിക്കാർ അപേക്ഷിക്കേണ്ട.
∙യോഗ്യത: ബിരുദം/തത്തുല്യം, കംപ്യൂട്ടർ പരിജ്‌ഞാനം അഭിലഷണീയം.
∙പ്രായം: 18–27. ഉയർന്ന പ്രായത്തിൽ എസ്‌സി/എസ്‌ടിക്കാർക്ക് അഞ്ചും ഒബിസിക്ക് മൂന്നും മറ്റു യോഗ്യരായവർക്ക് നിയമാനുസൃത ഇളവ് ലഭിക്കും.
∙ശമ്പളം: ലവൽ 7 (44,900–1,42,400).
∙ഫീസ്: ജനറൽ, ഇഡബ്ല്യുഎസ്, ഒബിസി വിഭാഗക്കാരായ പുരുഷൻമാർക്ക് 550 (പരീക്ഷാഫീസ് 100 രൂപയും റിക്രൂട്മെന്റ് പ്രോസസിങ് ചാർജ് 450 രൂപയും). മറ്റുള്ളവർക്ക് റിക്രൂട്മെന്റ് പ്രോസസിങ് ചാർജായ 450 രൂപ മതി. ഒാൺലൈനായും ഒാഫ്‌ലൈനായും ഫീസടയ്ക്കാം.
∙തിരഞ്ഞെടുപ്പ്: എഴുത്തു പരീക്ഷ, ഇന്റർവ്യൂ എന്നിവ മുഖേന.
പരീക്ഷാ സിലബസ് സംബന്ധിച്ച വിശദാംശങ്ങൾ പട്ടികയിൽ.
വിവരങ്ങൾ www.mha.gov.in; www.ncs.gov.in എന്നീ സൈറ്റുകളിൽ പ്രസിദ്ധീകരിക്കും.