ഡോ. പ്രകാശ് ബാബുവിന് ഫുൾബ്രൈറ്റ് ഫെലോഷിപ്

പെരിയ (കാസർകോട്) ∙ കേരള കേന്ദ്ര സർവകലാശാലയിലെ പബ്ലിക് ഹെൽത്ത് ആൻഡ് കമ്യൂണിറ്റി മെഡിസിൻ വിഭാഗം അസി.പ്രഫസർ ഡോ. പ്രകാശ് ബാബു കോഡാലിക്ക് ഫുൾബ്രൈറ്റ് നെഹ്റു പോസ്റ്റ് ഡോക്ടറൽ ഫെലോഷിപ്. 

യുഎസ്- ഇന്ത്യ എജ്യുക്കേഷനൽ ഫൗണ്ടേഷന്റേതാണ് (യുഎസ്ഐഇഎഫ്) ഫെലോഷിപ്. യുഎസ് ആഭ്യന്തര മന്ത്രാലയവും ഇന്ത്യൻ വിദേശകാര്യ മന്ത്രാലയവും സംയുക്തമായാണ് ധനസഹായം നൽകുന്നത്. യുഎസിലെ യൂണിവേഴ്‌സിറ്റി ഓഫ് കലിഫോർണിയ–സാൻഫ്രാൻസിസ്കോയിലെ സെന്റർ ഫോർ ടുബാക്കോ കൺട്രോൾ റിസർച് ആൻഡ് എജ്യുക്കേഷനിൽ അദ്ദേഹം ഒരു വർഷം ഗവേഷണം ചെയ്യും.