വറ്റിവരണ്ട മരുഭൂമിയിൽ ‘എൽനിനോ’ ഇഫക്ട്; അറ്റക്കാമയിൽ പിന്നെ കണ്ടത് ‘പൂമഴ’
![atacama-flower atacama-flower](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
അവിചാരിതമായൊരു മഴ പെയ്തു, അതു മതിയായിരുന്നു ഈ പൂക്കൾക്ക് വിടരാൻ. തെക്കേ അമേരിക്കൻ രാജ്യമായ ചിലെയിലുള്ള അറ്റക്കാമ മരുഭൂമിയിലാണ് ഈ പൂക്കാഴ്ച. ‘ഗ്വാൻകോ ഫീറ്റ്’ എന്നറിയപ്പെടുന്ന സസ്യമാണ് ഇവിടെ പുഷ്പിച്ചത്. കാലാവസ്ഥാ പ്രതിഭാസമായ ‘എൽനിനോ’ മൂലമുള്ള മഴയാണ് അറ്റക്കാമയിൽ പെയ്തത്.
![flower-atacama flower-atacama](https://img-mm.manoramaonline.com/content/dam/mm/mo/config-assets/mo-default.jpg)
ഒരു ലക്ഷത്തിലേറെ ചതുരശ്ര കിലോമീറ്റർ വിസ്തീർണമുള്ള അറ്റക്കാമയിൽ അപൂർവമാണിത്. മുൻപ് ഇങ്ങനെ മഴ ഉണ്ടായിരുന്നപ്പോഴെല്ലാം അതു സെപ്റ്റംബർ മാസത്തിലായിരുന്നു. ലോകത്തെ ഏറ്റവും വരണ്ട മേഖലയാണ് ഈ മരുഭൂമി.
![atacama-desert അറ്റക്കാമയിൽ വിരിഞ്ഞ ‘ഗ്വാൻകോ ഫീറ്റ്’ (Photo by Patricio LOPEZ CASTILLO / AFP)](https://img-mm.manoramaonline.com/content/dam/mm/mo/config-assets/mo-default.jpg?w=845&h=440)
സാധാരണഗതിയിൽ വസന്തകാലത്ത് വർഷങ്ങളുടെ ഇടവേളകളിൽ പൂക്കൾ പൂക്കുന്നത് കണ്ടിട്ടുണ്ട്. എന്നാലിപ്പോൾ മഞ്ഞുകാലത്തും പൂക്കൾ പൂക്കുന്ന അവസ്ഥയാണ്.ഏപ്രിലിൽ 11–12 മില്ലിമീറ്റർ മഴയാണ് ഇവിടെ പെയ്തതെന്ന് നാഷനൽ ഫോറസ്ട്രി കോർപറേഷന്റെ ജൈവവൈവിധ്യ സംരക്ഷണ വിഭാഗം മേധാവി സീസർ പിസാരോ പറഞ്ഞു.
![atacama അറ്റക്കാമയിൽ വിരിഞ്ഞ ‘ഗ്വാൻകോ ഫീറ്റ്’ (Photo by Patricio LOPEZ CASTILLO / AFP)](https://img-mm.manoramaonline.com/content/dam/mm/mo/config-assets/mo-default.jpg)
പ്രദേശം മുഴുവൻ മേഘാവൃതമായതിനാൽ മരുഭൂമിയുടെ പ്രതലം ഈർപ്പമുള്ളതായി. ഇത് ചെടികൾ സജീവമാകാൻ കാരണമായി. വെള്ളം ആവശ്യമില്ലാത്തതും മണൽ നിറഞ്ഞ പ്രദേശങ്ങൾ ഇഷ്ടപ്പെടുന്നതുമായ ചെടിയാണ് ‘ഗ്വാൻകോ ഫീറ്റ്’ എന്നും അദ്ദേഹം വ്യക്തമാക്കി.