കെ.സുധാകരൻ നാളെ ദുബായിൽ

ദുബായ് ∙ രണ്ടുദിവസത്തെ സന്ദർശനത്തിനായി കെപിസിസി പ്രസിഡന്റ് കെ.സുധാകരൻ എംപി നാളെ ദുബായിൽ എത്തും. രാവിലെ 8.30ന് ദുബായ് ടെർമിനൽ ഒന്നിൽ സുധാകരനെ കോൺഗ്രസ് പ്രവർത്തകർ സ്വീകരിക്കും.

വൈകിട്ട് 7.30ന് ഷാർജ ഇന്ത്യൻ അസോസിയേഷനിൽ ഇൻകാസ് യുഎഇ കമ്മിറ്റി സംഘടിപ്പിക്കുന്ന യുഎഇ ദേശീയ ദിനാഘോഷച്ചടങ്ങ് സുധാകരൻ ഉദ്ഘാടനം ചെയ്യും. ഞായറാഴ്ച ഉച്ചയ്ക്കു ശേഷം 3.30ന് ദുബായ് മംസാറിലെ ഫോക്‌ലോർ അക്കാദമിയിൽ സദ്ഭാവന ഗ്ലോബൽ കൾചറൽ ഫോറം സംഘടിപ്പിക്കുന്ന സദ്ഭാവനോത്സവത്തിലും പങ്കെടുക്കും.

ലക്ഷ്മി ഗോപാലസ്വാമിയുടെ നൃത്തം, ഹരീഷ് കണാരന്റെ കോമഡി, അജയ് ഗോപാലും സംഘവും അവതരിപ്പിക്കുന്ന ഗാനമേള എന്നിവയും അരങ്ങേറും. കെപിസിസി പ്രസിഡന്റായ ശേഷം ആദ്യമായാണ് സുധാകരൻ യുഎഇയിൽ എത്തുന്നത്.