10 കോടി ദിർഹത്തിന്റെ ഒന്നാം സമ്മാന ജേതാവിനെ തേടി യുഎഇ ലോട്ടറി; അടുത്ത നറുക്കെടുപ്പ് ഈ മാസം 28ന്

അബുദാബി ∙ ദി യുഎഇ ലോട്ടറിയുടെ ആദ്യ നറുക്കെടുപ്പിൽ 29080 പേർക്ക് സമ്മാനം. 10 കോടി ദിർഹത്തിന്റെ ഒന്നാം സമ്മാനത്തിനും 10 ലക്ഷം ദിർഹത്തിന്റെ രണ്ടാം സമ്മാനത്തിനുമുള്ള കാത്തിരിപ്പ് തുടരുന്നു. 

ഈ 2 വിഭാഗങ്ങളിലും വിജയ നമ്പറുകൾ ശരിയാക്കാൻ ആർക്കും സാധിച്ചില്ല. 5 നമ്പറുകൾ ശരിയാക്കിയ 4 പേർക്കും ലക്കി ചാൻസ് ഐഡിയിലെ 7 പേർക്കും ഉൾപ്പെടെ 11 പേർക്ക് ഒരു ലക്ഷം ദിർഹം വീതം ലഭിച്ചു. 211 പേർക്ക് 1000 ദിർഹം വീതവും 28,858 പേർക്ക് 100 ദിർഹം വീതവും ലഭിച്ചതായി ലോട്ടറി ഓപ്പറേറ്ററായ ഗെയിം എൽഎൽസി അറിയിച്ചു. അടുത്ത നറുക്കെടുപ്പ് ഈ മാസം 28ന്.