ഡോ.എം.കെ. രാധാകൃഷ്ണന് യുഎസ് ബഹുമതി

സാൻഫ്രാൻസിസ്കോ ∙ അമേരിക്കയിലെ ഇൻസ്റ്റിറ്റ്യൂഷൻ ഓഫ് ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയേഴ്സിന്റെ സദ്സേവന അവാർഡ് മലയാളിയായ ഡോ.എം.കെ.രാധാകൃഷ്ണന്. ഇന്ത്യയിൽ നിന്നൊരാൾക്ക് ഈ ബഹുമതി ലഭിക്കുന്നത് ആദ്യമാണ്.

െഎഎസ്ആർഒ ശാസ്ത്രജ്ഞനായും ഫിലിപ്സ് ഇലക്ട്രോണിക്സിൽ സിംഗപ്പൂരിലും നെതർലൻഡ്സിലും ഡയറക്ടറായും ജനീവയിൽ യുഎൻ വിദഗ്ധനായുമൊക്കെ പ്രവർത്തിച്ച ഡോ.രാധാകൃഷ്ണൻ കോട്ടയം വാഴൂർ സ്വദേശിയാണ്.