‘ഇട്ടിമാണി മെയ്ഡ് ഇൻ ചൈന’; സൗജന്യ ടിക്കറ്റ് സ്വന്തമാക്കാം

മോഹൻലാലിന്റെ ഓണച്ചിത്രം ‘ഇട്ടിമാണി മെയ്ഡ് ഇൻ ചൈന’ ആദ്യ ദിനം സൗജന്യമായി കാണാൻ അവസരം. മനോരമ ഓൺലൈനും ഡയ്മണ്ട് ഹോൾമാർക്കിങ് സെന്ററും (DHC) ചേർന്ന നടത്തുന്ന മത്സരത്തിൽ പങ്കെടുക്കുന്ന വിജയികൾക്ക് സിനിമയുടെ ടിക്കറ്റ് സൗജന്യമായി ലഭിക്കും. ഒരാൾക്ക് രണ്ട് ടിക്കറ്റ് വീതമാകും സമ്മാനമായി നൽകുക. പ്രദർശനവേളയിൽ പോപ്കോണും സൗജന്യമായി ലഭിക്കുന്നതാണ്.

ചിത്രത്തിന്റെ റിലീസ് ദിവസമായ സെപ്റ്റംബർ ആറിന് വൈകിട്ട് തൃശൂര്‍ ഐനോക്സ് തിയറ്ററിലാകും പ്രദർശനം.  മത്സരത്തിൽ പങ്കെടുക്കാൻ www.manoramaonline.com/ittymaanimadeinchina എന്ന വെബ്സൈറ്റ് സന്ദർശിക്കുക.

കോടികൾ വാരിയ ലൂസിഫർ എന്ന മെഗാഹിറ്റ് ചിത്രത്തിന് ശേഷം മോഹൻലാൽ നായകനാകുന്ന ചിത്രമാണ് ഇട്ടിമാണി മെയ്ഡ് ഇൻ ചൈന. നവാഗതരായ ജിബി ജോജു സംവിധാനം ചെയ്യുന്ന ചിത്രത്തിന്റെ ടീസറും ഗാനങ്ങളും സമൂഹമാധ്യമങ്ങളിൽ ശ്രദ്ധനേടിയിരുന്നു.

ഷാജി കുമാര്‍ ഛായാഗ്രഹണം നിര്‍വഹിക്കുന്ന ഈ ചിത്രത്തിന് സംഗീതം ഒരുക്കുന്നത് ടീം ഫോര്‍ മ്യൂസിക്‌സ് ആണ്. ജോസഫിലൂടെ ശ്രദ്ധേയയായ മാധുരിയാണ് നായിക.  അജു വര്‍ഗീസ്, ഹരിഷ് കണാരന്‍, ധര്‍മജന്‍ ബോള്‍ഗാട്ടി, രാധിക ശരത് കുമാര്‍, ഹണി റോസ്, അശോകന്‍, സിജോയ് വര്‍ഗീസ്, കൈലാഷ്, കെ പി എ സി ലളിത, വിനു മോഹന്‍, സ്വാസിക, വിവിയ, സിദ്ദിഖ്, സലിം കുമാര്‍, അരിസ്റ്റോ സുരേഷ്, ജോണി ആന്റണി തുടങ്ങി ഒരു വമ്പന്‍ താര നിര തന്നെ ചിത്രത്തില്‍ അണിനിരക്കുന്നു. സെപ്റ്റംബർ ആറിന് ചിത്രം തിയറ്ററുകളിലെത്തും.