നിഗൂഢതകളുടെ ‘ഇഷ’; ടീസർ നാളെ

ഫസ്റ്റ്ലുക്ക് പോസ്റ്ററുകളാൽ ഇതിനോടകം ചർച്ചയായ ജോസ്  തോമസിന്റെ  പുതിയ  ചിത്രം  ഇഷയുടെ ടീസർ  നാളെ റിലീസ്  ചെയ്യും.  നിഗൂഢതകൾ ഒളിപ്പിച്ച  ടൈറ്റിലും  ഫസ്റ്റ്ലുക്ക്  പോസ്റ്ററുകളുമെല്ലാം  ഇതിനോടകം  തന്നെ  പ്രേക്ഷകരിൽ  കൗതുകം ഉണർത്തിയിരുന്നു. 

ഹൊറർ ജോണറിലുള്ള  ഈ  ചിത്രത്തിലെ  താരങ്ങൾ  ആരൊക്കെയെന്ന്  ഇതുവരെയും  സംവിധായകൻ  വെളിപ്പെടുത്തിയിരുന്നില്ല. നാളെ  അതിനു  വിരാമം  ആകുമെന്നാണ്  പ്രേക്ഷരുടെ  പ്രതീക്ഷ.  പുതുമയാർന്ന  പ്രചാരണ  രീതികൊണ്ട്   ഇതിനോടകം തന്നെ  സിനിമ  മേഖലയിൽ  "ഇഷ " പ്രധാന ചർച്ചാവിഷയം  ആയിക്കഴിഞ്ഞിരുന്നു.‌‌

മായാമോഹിനി, ശൃംഗാരവേലൻ, മാട്ടുപ്പെട്ടി മച്ചാൻ, സാദരം, ഉദയപുരം സുൽത്താൻ, സ്വർണ്ണക്കടുവ തുടങ്ങി പ്രേക്ഷകസ്വീകാര്യത പിടിച്ചുപറ്റിയ ഒരുപിടി ചിത്രങ്ങളൊരുക്കിയ ജോസ് തോമസിന്റെ ഏറെ വ്യത്യസ്ത നിറഞ്ഞ ചിത്രമാകും ഇഷ.