‘നിലൈ മറന്തവൻ’; ട്രാൻസ് തമിഴ് പതിപ്പിന് തമിഴ്നാട്ടിൽ തിയറ്റർ റിലീസ്
Mail This Article
×
ഫഹദ് ഫാസിലിനെ നായകനാക്കി അൻവർ റഷീദ് സംവിധാനം ചെയ്ത് 2020ൽ റിലീസ് ചെയ്ത ട്രാൻസ് മൊഴിമാറ്റി തമിഴിൽ റിലീസ് ചെയ്യുന്നു. വിക്രം, പുഷ്പ തുടങ്ങിയ സിനിമകളിലൂടെ തെന്നിന്ത്യയിൽ ഏറെ ആരാധകരെ സ്വന്തമാക്കിയ ഫഹദിന്റെ താരമൂല്യം തന്നെയാണ് ചിത്രം ഈ സമയത്ത് മൊഴിമാറ്റി ഇറക്കാൻ കാരണം. ഗൗതം മേനോൻ, ചെമ്പൻ വിനോദ്, വിനായകൻ, നസ്രിയ തുടങ്ങി താരങ്ങളുടെ സാന്നിധ്യവും ഇതിന് സഹായമേകുന്നു.
നിലൈ മറന്തവൻ എന്നാണ് തമിഴിൽ ചിത്രത്തിന്റെ പേര്. ധർമ വിഷുവൽ ക്രിയേഷൻസ് ജൂലൈ 15ന് ചിത്രം തമിഴ്നാട്ടിലെ തിയറ്ററുകളിൽ റിലീസിനെത്തിക്കും.
ബാംഗ്ലൂർ ഡെയ്‌സിന് ശേഷം, ഫഹദും നസ്രിയയും ഒരുമിച്ച് അഭിനയിച്ച ചിത്രം കൂടി ആയിരുന്നു ട്രാൻസ്. വിജു പ്രസാദ് എന്ന മോട്ടിവേഷനൽ സ്പീക്കറായി ഫഹദ് എത്തിയപ്പോൾ എസ്തേർ ലോപ്പസ് എന്ന കഥാപാത്രമായാണ് നസ്രിയ എത്തിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
