ഇന്ദ്രൻസിന്റെ ത്രില്ലർ ചിത്രം; ലൂയിസ് നവംബര്‍ 25 റിലീസ്

കൊട്ടുപള്ളിൽ മൂവീസ് പ്രൊഡക്ഷൻ ബാനറിൽ റ്റി.റ്റി. ഏബ്രഹാം നിർമിച്ച് ഷാബു ഉസ്മാൻ സംവിധാനം ചെയ്യുന്ന ലൂയിസ് റിലീസിനൊരുങ്ങുന്നു. ഇന്ദ്രൻസ് പ്രധാന കഥാപാത്രമാകുന്ന ചിത്രം നവംബർ 25 മുതൽ തിയറ്ററുകളിലെത്തും.

മനോജ് കെ ജയൻ, സായികുമാർ,ജോയ് മാത്യു,കലാഭവൻ നവാസ്, ആദിനാട് ശശി, അശോകൻ, അജിത്ത് കൂത്താട്ടുകുളം, രാജേഷ് പറവൂർ,  ശശാങ്കൻ മയ്യനാട്, അസീസ് നെടുമങ്ങാട്, അൽസാബിത്, ദിവ്യ പിള്ള, ലെന, സ്മിനു സിജോ, മീനാക്ഷി, ഡിസ്സ തുടങ്ങിയവരും പ്രധാന അഭിനേതാക്കളാണ്. കൊട്ടുപള്ളിൽ മൂവീസ് കേരളത്തിലെ പ്രമുഖ തിയറ്ററുകളിൽ ചിത്രം റിലീസിനെത്തിക്കും. 

ഷാബു ഉസ്മാന്റെ കഥയ്ക്ക് മനു ഗോപാലൻ തിരക്കഥയും സംഭാഷണവും എഴുതിയിരിക്കുന്നു. ആനന്ദ്  കൃഷ്ണ ചായാഗ്രഹണം നിർവഹിച്ചിരിക്കുന്നു. എഡിറ്റർ നൗഫൽ അബ്ദുള്ള. മനു മഞ്ജിത്തിന്റെ വരികൾക്ക് ജാസി ഗിഫ്റ്റ്, രാജീവ് ശിവ സംഗീതം നൽകിയിരിക്കുന്നു. പശ്ചാത്തല സംഗീതം റോണി റാഫേൽ. ആക്‌ഷൻ ജാക്കി ജോൺസൺ.