വിജയേന്ദ്രപ്രസാദിന്റെ തിരക്കഥയിൽ കിച്ച സുധീപ്; നിർമാണം ആർസി സ്റ്റുഡിയോസ്
Mail This Article
കിച്ച സുധീപിന്റെ പുതിയ ചിത്രത്തിന് വി. വിജയേന്ദ്ര പ്രസാദ് തിരക്കഥ ഒരുക്കുന്നു. മഗധീര, ബാഹുബലി, ആർആർആർ തുടങ്ങിയ ഹിറ്റ് ചിത്രങ്ങളുടെയെല്ലാം കഥയും തിരക്കഥയുമൊരുക്കിയ വി വിജയേന്ദ്ര പ്രസാദ് ആണ് കിച്ചയുടെ പുതിയ സിനിമയുടെ രചന നിർവഹിക്കുന്നത്. ആർ ചന്ദ്രുവാണ് ചിത്രത്തിന്റെ സംവിധാനം. ആർസി സ്റ്റുഡിയോസ് നിർമിക്കുന്ന ചിത്രം വമ്പൻ ബജറ്റിലാണ് ഒരുങ്ങുന്നത്.
കർണാടകയിലെ പ്രശസ്ത നിർമാതാക്കളായ ആർസി സ്റ്റുഡിയോസ് അവരുടെ നിർമാണത്തിൽ ഒരുങ്ങുന്ന അഞ്ച് വമ്പൻ സിനിമകൾ ഈ വർഷം തിയറ്ററുകളിലെത്തിക്കും. ആർ.ചന്ദ്രു എന്ന സംവിധായകൻ ഒരുക്കുന്ന ചിത്രങ്ങൾക്ക് വ്യത്യസ്തയും പുതുമയും ഉറപ്പാണ്, ഈ ചിത്രത്തിനും ഒരുപാട് പ്രത്യേകതകൾ ഉണ്ടാകുമെന്ന് അണിയറ പ്രവർത്തകർ അറിയിച്ചു.
ചിത്രത്തിന്റെ ടൈറ്റിൽ ഈ വർഷം സെപ്റ്റംബറിൽ അവതരിപ്പിക്കും.വിജയേന്ദ്ര പ്രസാദ് എഴുതിയ ഇരുപത്തി അഞ്ചിൽപരം ചിത്രങ്ങളും വാണിജ്യപരമായി വിജയം നേടിയ ചിത്രങ്ങളായിരുന്നു. അതുകൊണ്ട് തന്നെ പുതിയ സിനിമയ്ക്കും പ്രതീക്ഷകൾ ഏറെ.