ഫാന്റസിയുമായി ഷറഫുദ്ദീനും ഐശ്വര്യ ലക്ഷ്മിയും; ‘ഹലോ മമ്മി’

ഹാങ്ങ് ഓവർ ഫിലിംസും എ ആൻഡ് എച്ച്.എസ്. പ്രൊഡക്‌ഷനും  ചേർന്ന് നിർമിക്കുന്ന ഫാന്റസി കോമഡി എന്റർടെയ്നർ ‘ഹലോ മമ്മി’യുടെ ചിത്രീകരണം തൃശൂർ മാളയിൽ ആരംഭിച്ചു. ചിത്രത്തിന്റെ താരങ്ങളും അണിയറപ്രവർത്തകരും വിശിഷ്ടാധിതികളും പൂജ ചടങ്ങിൽ പങ്കെടുത്തു. ഫാന്റസി കോമഡി ജോണറിൽ ഒരുങ്ങുന്ന ചിത്രത്തിൽ  ഷറഫുദ്ദീൻ, ഐശ്വര്യ ലക്ഷ്മി എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നു. നിരവധി പരസ്യചിത്രങ്ങളിലൂടെ  പ്രശസ്തനായ വൈശാഖ് എലൻസ് സംവിധാനം ചെയ്യുന്ന  ആദ്യ ചിത്രമാണ് ഹലോ മമ്മി. 

ബേസിൽ ജോസഫ് ചിത്രം ‘ഫാലിമി’യുടെ രചന നിർവഹിച്ച സാൻജോ ജോസഫ് ആണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ഹിന്ദി ചലച്ചിത്രങ്ങളിലൂടെയും ആസ്പിരന്റ്സ് , ദ് ഫാമിലി മാൻ, റെയിൽവേ മെൻ തുടങ്ങിയ വെബ് സീരീസുകളിലൂടെയും ശ്രദ്ധേയനായ നടൻ സണ്ണി ഹിന്ദുജ പ്രധാന വേഷത്തിൽ അഭിനയിക്കുന്ന ആദ്യ മലയാള ചിത്രമാണ് ഹലോ മമ്മി. അജു വർഗീസ്, ജഗദീഷ്, ജോണി ആന്റണി, ബിന്ദു പണിക്കർ, അദ്രി ജോ, ശ്രുതി സുരേഷ്, ഗംഗാ മീരാ, ജോമോൻ ജ്യോതിർ എന്നിവർ ഹലോ മമ്മിയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. 

ജോമിൻ മാത്യു, ഐബിൻ തോമസ്, രാഹുൽ.ഇ.എസ് എന്നിവരാണ് ചിത്രത്തിന്റെ പ്രൊഡ്യൂസേഴ്‌സ്. സജിൻ അലി, നിസാർ ബാബു, ദിപൻ പട്ടേൽ എന്നിവരാണ് ചിത്രത്തിന്റെ സഹനിർമാതാക്കൾ. 

സന്തോഷ് ശിവന്റെ അസ്സോഷ്യേറ്റ് ആയിരുന്ന പ്രവീൺ കുമാറാണ് ഹലോ മമ്മിയുടെ ഛായാഗ്രഹണം നിർവഹിക്കുന്നത്. 2018, ആർ ഡി എക്സ് തുടങ്ങിയ ഹിറ്റ് ചിത്രങ്ങളുടെ ചിത്രസംയോജനം നിർവഹിച്ച ചമൻ ചാക്കോയാണ് ചിത്രത്തിന്റെ എഡിറ്റർ. ജേക്സ് ബിജോയിയാണ് സംഗീത സംവിധാനം നിർവഹിക്കുന്നത്. 

പ്രൊഡക്‌ഷൻ കൺട്രോളർ: പ്രശാന്ത് നാരായണൻ, ഗാന രചന: മുഹ്‌സിൻ പരാരി, വസ്ത്രാലങ്കാരം: സമീറാ സനീഷ്, മേക്കപ്പ്: റോണക്സ് സേവ്യർ, പ്രൊഡക്‌ഷൻ ഡിസൈൻ: സാബു മോഹൻ, സൗണ്ട് ഡിസൈൻ: സിങ് സിനിമ, ചീഫ് അസ്സോസിയേറ്റ് : വിശാഖ് ആർ. വാരിയർ, വിഎഫ്എക്സ്: ഹാങ്ങ് ഓവർ വി എഫ് എക്സ്, ഫൈറ്റ് : പിസി സ്റ്റണ്ട്സ്, കൊറിയോഗ്രാഫി: ഷെരീഫ്, സ്റ്റിൽ: അമൽ സി സദർ, ഡിസൈൻ: യെല്ലോ ടൂത്ത്, പിആർഓ : പ്രതീഷ് ശേഖർ.