'എപ്പോഴും സന്തോഷത്തോടെയിരിക്കൂ'; നയൻതാരയോട് മഞ്ജു വാരിയർ

പ്രേക്ഷകരുടെ ഇഷ്ടജോഡികളായ നയൻതായ്ക്കും വിഘ്‌നേഷ് ശിവനും വിവാഹ വാർഷിക ആശംസയുമായി നടി മഞ്ജു വാരിയർ. വിവാഹ വാർഷിക ആശംസകളോടൊപ്പം 'എപ്പോഴും സന്തോഷമായിരിക്കണം' എന്നും മഞ്ജു കുറിച്ചു. നയൻതാരയ്ക്കും വിഘ്‌നേഷ് ശിവനുമൊപ്പമിരിക്കുന്ന ചിത്രം പങ്കുവച്ചുകൊണ്ടാണ് മഞ്ജുവിന്റെ ആശംസാ കുറിപ്പ്. 

"പ്രിയപ്പെട്ട നയൻതാരയ്ക്കും വിഘ്‌നേഷ് ശിവനും വിവാഹ വാർഷിക ആശംസകൾ. എപ്പോഴും സന്തോഷമായിരിക്കുക. എല്ലാ അനുഗ്രഹങ്ങളുമുണ്ടാകട്ടെ," എന്നാണ് മഞ്ജു വാരിയർ സമൂഹമാധ്യമത്തിൽ കുറിച്ചത്.

നടി നയൻതാരയും തമിഴ് സംവിധായകൻ വിഘ്‌നേഷ് ശിവനും 2022 ജൂണിൽ ചെന്നൈയിൽ വച്ചാണ് വിവാഹിതരായത്. തമിഴ്നാട് മുഖ്യമന്ത്രി എംകെ സ്റ്റാലിൻ, രജിനികാന്ത്, ഷാരൂഖ് ഖാൻ, മണിരത്നം തുടങ്ങിയ പ്രമുഖർ നയൻ-വിഘ്നേശ് വിവാഹത്തിൽ പങ്കെടുത്തിരുന്നു. വിവാഹം കഴിഞ്ഞ് വാടക ഗർഭധാരണത്തിലൂടെ ദമ്പതികൾ ഉയിർ, ഉലകം എന്നീ   ഇരട്ടക്കുട്ടികളുടെ അച്ഛനും അമ്മയുമായി.