മഴവില്‍ എന്റര്‍ടൈന്‍മെന്റ് അവാര്‍ഡ്സ് 2024; താരമാമാങ്കം പ്രേക്ഷകരുടെ സ്വീകരണമുറികളിലേക്ക്
Mail This Article
മലയാളം കണ്ട ഏറ്റവും വലിയ താരമാമാങ്കം പ്രേക്ഷകരുടെ സ്വീകരണമുറികളിലേക്ക്. മഴവിൽ എന്റർടെയ്ൻമെന്റ് അവാർഡ്സ് 2024 മഴവിൽ മനോരമ ചാനലിൽ ഇന്നും നാളെയും സംപ്രേഷണം ചെയ്യും. താരസംഘടനയായ ‘അമ്മ’യുടേയും പ്രൊഡ്യൂസേഴ്സ് അസോസിയേഷന്റെയും സഹകരണത്തോടെ ചലച്ചിത്രലോകം ഇന്നുവരെ കണ്ടിട്ടില്ലാത്തവിധം താരസമ്പന്നമായിരുന്നു പുരസ്കാരച്ചടങ്ങ്.
ചലച്ചിത്രലോകം ഇന്നുവരെ കണ്ടിട്ടില്ലാത്തവിധം താരസമ്പന്നമായിരുന്നു പുരസ്കാരച്ചടങ്ങ്. ഹൃദയം തൊട്ട മുഹൂര്‍ത്തങ്ങളും ആവേശക്കാഴ്ചകളും നിറഞ്ഞ നിശയില്‍ 25 ചലച്ചിത്രപുരസ്കാരങ്ങള്‍ വിതരണം ചെയ്തു.
പ്രിയതാരം ജഗതി ശ്രീകുമാറിന്റെ സാന്നിധ്യം സവിശേഷതയായി. അൾട്ടിമേറ്റ് എന്റർടെയ്നർ അവാർഡ് ജഗതിക്കു മമ്മൂട്ടിയും മോഹൻലാലും ചേർന്നാണു സമ്മാനിച്ചത്. യുവതലമുറയിലെ പ്രതിഭകളെല്ലാം മോഹൻലാലിന്റെ നേതൃത്വത്തിൽ കലാവിരുന്നുമായി വേദിയിൽ നിറഞ്ഞു. മുതിര്‍ന്ന താരങ്ങള്‍ക്കൊപ്പം യുവതലമുറയിലെ പ്രതിഭകളെല്ലാം താരനിശയില്‍ പങ്കെടുത്തു.
ഷീലയും ഉര്‍വശിയുമൊക്കെ പൊട്ടിച്ചിരിയുടെ നിമിഷങ്ങള്‍ സമ്മാനിച്ചു. പാട്ടുകള്‍ക്കും നൃത്തങ്ങളും കൂടാതെ പ്രമുഖ താരങ്ങള്‍ പങ്കെടുത്ത സ്കിറ്റുകളും താരരാവ് ആഘോഷമാക്കി. രംഗണ്ണനായി ഫഹദ് ഫാസിലെത്തിയപ്പോള്‍ സദസ് ഇളകിമറിഞ്ഞു. പുരസ്കാര സമർപ്പണത്തിനിടെ പാട്ടും വർത്തമാനവുമായി മമ്മൂട്ടിയും സദസ്സ് കയ്യിലെടുത്തു. പാട്ട്, നൃത്തം, താരങ്ങളുടെ സ്കിറ്റ് ഇവയൊക്കെ ആസ്വദിക്കാം. മലബാർ ഗോൾഡ് ആൻഡ് ഡയമണ്ട്സ് ആണ് മുഖ്യ പ്രായോജകർ. പ്രസന്റിങ് സ്പോൺസർ കെ.എൽ.എം. ആക്സിവ ഫിൻവെസ്റ്റ്. പവേർഡ് ബൈ ഇംപെക്സ്. സെലിബ്രേറ്റഡ് ബൈ മൈജി ഫ്യൂച്ചർ.
