‘കുട്ടികളുടെ തമാശ ആ രീതിയിലെടുത്ത ഷൈൻ ടോമിന് കയ്യടി’; ടിൻ ടോമും ജോഡീശ്വരനും

ഷൈൻ ടോം ചാക്കോയെ മുമ്പിലിരുത്തി ഗംഭീര മിമിക്രിയുമായി ഒരു ചിരി ഇരു ചിരി ബംബർ ചിരി താരങ്ങളായ എവിനും കെവിനും. ജോഡീശ്വരനില്‍ അതിഥിയായി ടിന്‍ ടോം എന്ന നടൻ എത്തുന്നതും തുടര്‍ന്നുണ്ടാകുന്ന സംഭവങ്ങളുമാണ് രസകരമായ സ്കിറ്റിൽ എവിനും കെവിനും ഉൾപ്പെടുത്തിയിരുന്നത്.

ഒരു അന്വേഷണത്തിന്റെ തുടക്കം എന്ന സിനിമയുടെ പ്രമോഷന്റെ ഭാഗമായി ചിത്രത്തിലെ അണിയറക്കാരും അതിഥികളായി പരിപാടി കാണാൻ എത്തുകയുണ്ടായി. സിനിമയിൽ ഒരു പ്രധാന കഥാപാത്രത്തെ അവതരിപ്പിക്കുന്ന ഷൈൻ ടോമും അതിഥികളിൽ ഒരാളായിരുന്നു.

കുട്ടികളുടെ തമാശ ആ രീതിയിൽ തന്നെ ആസ്വദിക്കുന്ന ഷൈൻ ടോമിനെ വിഡിയോയിൽ കാണാമായിരുന്നു. കുട്ടികളുടെ ടൈമിങിനെ അഭിനന്ദിച്ചും നിരവധിപ്പേരാണ് എത്തുന്നത്.