കാലാവസ്ഥാ വ്യതിയാനം: ജിഡിപിയിൽ വൻചോർച്ചയുണ്ടാകുമെന്നു പഠനം

കാലാവസ്ഥാ വ്യതിയാനം മൂലം 2070 ആകുമ്പോഴേക്കും രാജ്യത്തിന്റെ ജിഡിപിയിൽ 24.7% നഷ്ടമുണ്ടാകുമെന്ന് ഏഷ്യൻ ഡവലപ്മെന്റ് ബാങ്കിന്റെ പുതിയ പഠനം. ഏഷ്യ– പസിഫിക് മേഖലയിലാകെ 16.9% ഇടിവുണ്ടാക്കും. കടൽക്കയറ്റം, തൊഴിൽ മേഖലയിലെ ഉൽപാദനക്ഷമത കുറയൽ ഇവയെല്ലാം സമ്പദ്‌വ്യവസ്ഥയെ ബാധിക്കും.

എഡിബിയുടെ ഏഷ്യ–പസിഫിക് റിപ്പോർട്ടിലാണ് ഇക്കാര്യം വ്യക്തമാക്കുന്നത്. കൊടുങ്കാറ്റ്, ഉഷ്ണതരംഗം, പ്രളയം തുടങ്ങിയ പ്രകൃതിദുരന്തങ്ങളും രാജ്യങ്ങളുടെ വളർച്ച നിരക്കിനെ രൂക്ഷമായി ബാധിക്കും. കാര്യക്ഷമമായ ഇടപെടൽ ഉടൻ ഉണ്ടായില്ലെങ്കിൽ സംഭവിക്കാവുന്ന പ്രത്യാഘാതങ്ങളെപ്പറ്റിയും റിപ്പോർട്ട്      വിശദീകരിക്കുന്നുണ്ട്.