വനിതാ ട്വന്റി20: ഇന്ത്യയ്ക്ക് 10 വിക്കറ്റ് ജയം

ചെന്നൈ ∙ ദക്ഷിണാഫ്രിക്കൻ വനിതകൾക്കെതിരായ മൂന്നാം ട്വന്റി20യിൽ ഇന്ത്യയ്ക്ക് 10 വിക്കറ്റിന്റെ ആധികാരിക ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ദക്ഷിണാഫ്രിക്കയെ 84 റൺസിൽ പുറത്താക്കിയ ആതിഥേയർ 10.5 ഓവറിൽ വിക്കറ്റ് നഷ്ടമില്ലാതെ ലക്ഷ്യം കണ്ടു. ഇതോടെ 3 മത്സര പരമ്പര സമനിലയിൽ അവസാനിച്ചു. ആദ്യ മത്സരം ദക്ഷിണാഫ്രിക്ക ജയിച്ചപ്പോൾ രണ്ടാം മത്സരം മഴമൂലം ഉപേക്ഷിച്ചിരുന്നു. സ്കോർ: ദക്ഷിണാഫ്രിക്ക 17.1 ഓവറിൽ ‍84ന് പുറത്ത്. ഇന്ത്യ 10.5 ഓവറിൽ വിക്കറ്റ് നഷ്ടമില്ലാതെ 88.