ദൂരെക്കളയാൻ വച്ച കംപ്യൂട്ടറിന് വില 2.6 കോടി രൂപ, ഒരേ ഒരു പേര് 'സ്റ്റീവ് ജോബ്സ്'

കേടായ വസ്തുക്കളുടെ കൂമ്പാരത്തിൽനിന്നും ഉപേക്ഷിക്കാതെ മാറ്റിവച്ച ഒരു വസ്തുവിന് കോടികളുടെ വില ലഭിച്ചാലോ?.ആപ്പിൾ 1 കംപ്യൂട്ടറാണ് താരം. ടെക് ഭീമന്റെ ആദ്യകാല ചരിത്രത്തിൽ കേവലം 50 കംപ്യൂട്ടറാണ് വിറ്റുപോയത്. എന്നാല്‍ ഇതാ  യുഎസിലെ ബോസ്റ്റൺ ആസ്ഥാനമായുള്ള ഒരു ലേല സ്ഥാപനം അടുത്തിടെ സംഘടിപ്പിച്ച ലേലത്തിൽ ഇക്കൂട്ടത്തിൽ ഒരു Apple-1 കംപ്യൂട്ടറിന് 315,914 ഡോളർ (ഏകദേശം 2.6 കോടി രൂപ) ലഭിച്ചിരിക്കുന്നു.

വോസ്‌നിയാക്കും സ്റ്റീവ് ജോബ്സും ചേർന്ന് നിർമ്മിച്ച ഈ കംപ്യൂട്ടർ ആദ്യ ആപ്ലിക്കേഷൻസ് എന്‍ജീനിയറായ ഡാന റെഡിങ്ടണിന് സമ്മാനിച്ചതാണ്.1978-ൽ, സ്റ്റീവ് ജോബ്‌സ് ഓഫീസ് മാറ്റത്തിനു തയ്യാറെടുക്കുമ്പോൾ, ഉടൻ ഉപേക്ഷിക്കപ്പെടേണ്ട ഹാർഡ്‌വെയറിൻ്റെ ഒരു കൂമ്പാരം അവിടെ ഇരിപ്പുണ്ടായിരുന്നു . ജോബ്‌സിന്റെയും സ്റ്റീവ് വോസ്‌നിയാക്കിന്റെയും അനുമതിയോടെ, റെഡിങ്ടൺ  മദർബോർഡും ആക്സസറികളും എടുക്കുകയായിരുന്നു.

അടുത്തിടെ നടന്ന ലേലത്തിലെല്ലാം അമ്പരപ്പിക്കുന്ന വിലയ്ക്കാണ് ഈ സീരീസിലെ ആപ്പിൾ 1 കംപ്യൂട്ടറുകളെല്ലാം വിറ്റുപോയത്. 4,42,118 ഡോളറിലാണ് 2022ൽ നടന്ന ലേലത്തിൽ ലഭിച്ചത്

എന്താണ് ആപ്പിൾ വണ്ണിന്റെ പ്രത്യേകതകൾ എന്നു നോക്കാം

 1976 ൽ സ്റ്റീവ് ജോബ്‌സ്, സ്റ്റീവ് വോസ്‌നിയാക്, റൊണാൾഡ് വെയ്ൻ എന്നിവർ ചേർന്ന് സ്ഥാപിച്ച ആപ്പിൾ കമ്പ്യൂട്ടർ കമ്പനിയുടെ ആദ്യ ഉൽപ്പന്നമായിരുന്നു ആപ്പിൾ I.1976-ൽ പുറത്തിറങ്ങിയ Apple I-നെ വോസ്‌നിയാക് രൂപകല്പന ചെയ്യുകയും കൈകൊണ്ട് നിർമ്മിക്കുകയും ചെയ്‌തു. 

ടെക്‌സ്‌റ്റ് പ്രദർശിപ്പിക്കുന്നതിന് അധിക സർക്യൂട്ട് ആവശ്യമില്ലാത്ത ഒരു മൈക്രോ കംപ്യൂട്ടറായിരുന്നു, അക്കാലത്തെ മറ്റ് കംപ്യൂട്ടറുകളിൽ നിന്ന് ഇത് ഒരു വലിയ മുന്നേറ്റമായിരുന്നു. 

ചില സവിശേഷതകൾ ഇതാ: 

പ്രൊസസ്സർ: 1.023 MHz 

റാം: 4 കെബി, 8 കെബി അല്ലെങ്കിൽ 48 കെബി വരെ വികസിപ്പിക്കാം 

മദർബോർഡ്: ഏകദേശം 60 ചിപ്പുകളുള്ള ഒറ്റ, പ്രീ-അസംബിൾഡ് മദർബോർഡ് 

കാസറ്റ് ടേപ്പ് ഇന്റർഫെയ്സ്: പ്രോഗ്രാം ഡാറ്റ സംരക്ഷിക്കാൻ ഉപയോക്താക്കളെ അനുവദിച്ചു, അത് ഫ്ലോപ്പി ഡിസ്കിന്റെ മുൻഗാമിയായിരുന്നു