ഐഓഎസ് 18.2 എത്തി; പ്ലേഗ്രൗണ്ടും ജെന്‍മോജിയും ചാറ്റ്​ജിപിറ്റിയും ലഭിച്ചോ?

ഐഫോണിനായുള്ള ഐഓഎസ് 18.2 അപ്‌ഡേറ്റ് ആപ്പിൾപുറത്തിറക്കി . ഐഒഎസ് 18.2 റിലീസ് കാൻഡിഡേറ്റ് (ആർസി) 2 പുറത്തിറങ്ങി ഒരു ദിവസത്തിന് ശേഷമാണ് ഇത് എത്തുന്നത്!, മുന്‍പ് അവതരിപ്പിച്ച ആപ്പിൾ ഇന്റലിജൻസ് ഫീച്ചറുകളെല്ലാം വിപുലീകരിച്ചിരിക്കുന്നു. ഇമേജ് പ്ലേഗ്രൗണ്ട്, ജെൻമോജി, ചാറ്റ്ജിപിടി സംയോജനം എന്നിവ പുതിയ അപ്​ഡേറ്റ് നൽകുന്നു. 

ഐഫോൺ 16 സീരീസിന് മാത്രമുള്ള ഒരു പുതിയ വിഷ്വൽ ലുക്ക്അപ്പ് ഫീച്ചറും അവതരിപ്പിക്കുന്നു. iOS 18 അപ്‌ഡേറ്റുമായി പൊരുത്തപ്പെടുന്ന എല്ലാ iPhone മോഡലുകളും ഏറ്റവും പുതിയ iOS 18.2 അപ്‌ഡേറ്റ് ഡൗൺലോഡ് ചെയ്യാൻ യോഗ്യമാണെന്ന് ആപ്പിൾ പറയുന്നു. പക്ഷേ പുതിയ ആപ്പിൾ ഇന്റലിജൻസ് സവിശേഷതകൾ ഐഫോൺ 16 ലൈനപ്പ്, ഐഫോണ്‍ 15 പ്രോ, ഐഫോണ്‍ 15 പ്രോ മാക്സ് എന്നിവയിൽ മാത്രം പരിമിതപ്പെടുത്തിയിരിക്കുന്നു.

ഇമേജ് പ്ലേഗ്രൗണ്ട്

പ്രോംപ്റ്റുകളെ അടിസ്ഥാനമാക്കി പോലുള്ള വ്യത്യസ്‌ത ശൈലികളിൽ ഇമേജുകൾ സൃഷ്‌ടിക്കാൻ ജനറേറ്റീവ് എഐയുടെ സഹായത്താൽ കഴിയുന്നു.

ജെൻമോജി

പ്രോംപ്റ്റുകളുടെ സഹായത്തോടെ ഇമേജുകൾ നിർമിക്കുകയും വിവിധ ആപ്പുകളിലൂടെ പങ്കിടാനും കഴിയും.

ഇമേജ് വാൻഡ്

സാംസങിന്റെ എഐ പവേർഡ് സ്കെച് ടു ഇമേജ് ഫീച്ചറിനു സമാനമായ ഫീച്ചറാണിത്. ഒരു സ്കെച്ചിനെ ജനറേറ്റീവ് എഐയുടെ സഹായത്തോടെ ചിത്രമാക്കി മാറ്റാം.

ഐഫോൺ 16 സീരീസ് ഉപയോക്താക്കൾക്ക് ഇപ്പോൾ പുതിയ വിഷ്വൽ ഇൻ്റലിജൻസ് സവിശേഷത പ്രയോജനപ്പെടുത്താം. പുതിയ ക്യാമറ കൺട്രോൾ ബട്ടൺ ഉപയോഗിച്ച് ഒബ്‌ജക്റ്റുകളെക്കുറിച്ചും സ്ഥലങ്ങളെക്കുറിച്ചും തൽക്ഷണം പഠിക്കാൻ അവരെ സഹായിക്കുന്ന ഒരു വിഷ്വൽ ലുക്ക്അപ്പ് ടൂളാണിതെന്ന് ആപ്പിൾ പറയുന്നു