2020 ജൂൺ 30ന് തിരുവനന്തപുരം രാജ്യാന്തര വിമാനത്താവളത്തിൽ എത്തിയ ഡിപ്ലോമാറ്റിക് ബാഗേജിൽ നിന്നാണ് 13.5 കോടി രൂപ വിലമതിക്കുന്ന 30 കിലോഗ്രാം സ്വർണം പിടിച്ചത്. ദുബായിൽ നിന്നു യുഎഇ കോൺസുലേറ്റിന്റെ പേരിലാണ് സ്വർണം എത്തിയത്. വൻ സ്വർണക്കടത്തുസംഘമാണു പിന്നിലെന്നു ആദ്യം തന്നെ സംശയമുണ്ടായിരുന്നു. അത് ശരിവയ്ക്കുന്നതായിരുന്നു പിന്നീടുണ്ടായ അന്വേഷണങ്ങൾ. സാധാരണ ഡിപ്ലോമാറ്റിക് ബാഗേജുകൾ കർശന പരിശോധന നടത്താറില്ല. എന്നാൽ രഹസ്യവിവരത്തിന്റെ അടിസ്ഥാനത്തിൽ കസ്റ്റംസ് പരിശോധിക്കുകയായിരുന്നു.
