Activate your premium subscription today
നിങ്ങൾ എല്ലാ മത്സരത്തിലും സ്കോർ ചെയ്യണമെന്നാണ് നിങ്ങളുടെ ടീമും ആരാധകരും ആഗ്രഹിക്കുന്നത്. അത് ഒരിക്കലും നടക്കുന്ന കാര്യമല്ല. ഇനി അങ്ങനെ സംഭവിക്കണമെങ്കിൽ നിങ്ങൾ വിരാട് കോലി ആയിരിക്കണം - ഒരു അഭിമുഖത്തിൽ ബാറ്റിങ് സ്ഥിരതയെക്കുറിച്ച് ചോദിച്ചപ്പോൾ പഞ്ചാബ് കിങ്സിന്റെ ദക്ഷിണാഫ്രിക്കൻ ബാറ്റർ റൈലി റൂസോ നൽകിയ
തുടരെ തുടരെ സിക്സറുകൾ പറന്നാലും വിക്കറ്റ് ലഭിച്ചാലും ആ മുഖത്തിന് ഒരേ ഭാവമായിരിക്കും. ക്രിക്കറ്റ് ലോകത്തെ അപൂർവങ്ങളിൽ അപൂർവമായ താരമാണ് സുനിൽ നരെയ്ൻ. എതിരാളികൾക്ക് ഒരു തരത്തിലും പിടികൊടുക്കാത്ത സുനിൽ നരെയ്ൻ തന്നെയാണ് 2024 ഐപിഎലിലെ മികച്ച താരവും. ഇന്ത്യൻ പ്രീമിയർ ലീഗിൽ ഒരു ഹാൾ ഓഫ് ഫെയിം ഉണ്ടായിരുന്നെങ്കിൽ ഇതിഹാസങ്ങൾക്കൊപ്പം സുനിൽ നരെയ്നും ഉണ്ടാകുമായിരുന്നു. നരെയ്ൻ ടീമിലെത്തിയ വർഷം തന്നെ (2012ൽ) കൊൽക്കത്തയ്ക്ക് ആദ്യ കിരീടം ലഭിച്ചതും ചരിത്രം. പിന്നാലെ 2014ലും കിരീടം നേടി. ഇപ്പോൾ 2024ൽ വീണ്ടുമൊരിക്കൽ കൂടി കിരീടം നേടിയിരിക്കുന്നു, അതും നരെയ്ന്റെ ഓൾറൗണ്ട് മികവിൽ...
മുൻപൊരിക്കൽ സൂപ്പർതാരം രജനീകാന്ത് പറഞ്ഞത് ഓർത്തു പോകുന്നു. ‘‘കലാനിധി മാരൻ, കാവ്യയ്ക്ക് ഇത്തവണയെങ്കിലും കരുത്തുറ്റ ഒരു ടീം രൂപീകരിക്കാനുള്ള താരങ്ങളെ വാങ്ങി നൽകൂ...’’. രജനി പറഞ്ഞതുപോലെ ഹൈദരാബാദ് നിരയിലേക്ക് മാച്ച് വിന്നിങ് താരങ്ങളുടെ കുത്തൊഴുക്കുതന്നെ ഈ സീസണിൽ ഉണ്ടായി. പ്ലേ ഓഫ് പോരാട്ടങ്ങൾക്ക് മുൻപുവരെയും അതിന്റെ ഫലം സ്കോർബോർഡിലും പോയിന്റ് ടേബിളിലും പ്രതിഫലിക്കുകയും ചെയ്തു. എന്നാൽ, ഫൈനല്‍ പോരാട്ടം എത്തിയതോടെ കാര്യങ്ങൾ വീണ്ടും തഥൈവ... പവനായി വീണ്ടും ശവമായി എന്നു പറയുന്നതു പോലെ കാവ്യാ മാരന്റെ സൺറൈസേഴ്സ് വീണ്ടും തവിടുപൊടി...
ഐപിഎൽ 17–ാം സീസണും രണ്ടാം ക്വാളിഫയർ മത്സരവും രാജസ്ഥാൻ റോയൽസിന് പകർന്നുനൽകിയ പാഠങ്ങൾ ഒരുപിടിയാണ്. എങ്കിലും അതിൽ ആദ്യത്തേത് കയ്യിലിരിക്കുന്ന മത്സരം എങ്ങനെ ആവേശം കയറി നശിപ്പിക്കരുത് എന്നാവും. രണ്ടാം ക്വാളിഫയറിൽ സൺറൈസേഴ്സ് ഹൈദരാബാദ് ഉയർത്തിയ 176 റൺസ് വിജയലക്ഷ്യം രാജസ്ഥാനെ പോലെ ബാറ്റിങ് ഡെപ്ത്തുള്ള ടീമിന് ഒരുകാലത്തും വെല്ലുവിളി ഉയർത്തേണ്ട കാര്യമില്ല. എന്നാൽ അനാവശ്യ ഷോട്ടുകൾക്ക് മത്സരിച്ച് ക്യാപ്റ്റൻ സഞ്ജു സാംസൺ ഉൾപ്പെടെയുള്ള ബാറ്റർമാർ വിക്കറ്റ് വലിച്ചെറിഞ്ഞതോടെ 36 റൺസ് അകലെ രാജസ്ഥാന്റെ ഫൈനൽ മോഹം പൊലിഞ്ഞു. സ്കോർ: ഹൈദരാബാദ് 20 ഓവറിൽ 9ന് 175. രാജസ്ഥാൻ 20 ഓവറിൽ 7ന് 139. പൊരുതിനേടിയ ജയത്തോടെ ഫൈനലിൽ കടന്ന പാറ്റ് കമിൻസും സംഘവും മേയ് 26ന് നടക്കുന്ന മത്സരത്തിൽ കൊൽക്കത്ത നൈറ്റ് റൈഡേഴ്സിനെ നേരിടും.
ഐപിഎൽ സീസൺ പകുതിയായപ്പോൾ പ്ലേ ഓഫിലെത്താനുള്ള റോയൽ ചാലഞ്ചേഴ്സ് ബെംഗളൂരുവിന്റെ സാധ്യത ടോയ്‌ലറ്റ് ക്ലീനറിന്റെ പരസ്യത്തിലെ കീടാണുവിനെപ്പോലെയായിരുന്നു. ആ നൂൽപാലത്തിൽ കയറി അവസാന 6 മത്സരങ്ങളും ജയിച്ച് റൺറേറ്റ് കാൽക്കുലേറ്ററിനെയും തറപറ്റിച്ചുള്ള ആർസിബിയുടെ അവിസ്മരണീയ തിരിച്ചുവരവാണ് 2024 ഐപിഎൽ പ്ലേഓഫിനെ രോമാഞ്ചമണിയിക്കുന്നത്. 2023ൽ പ്ലേ ഓഫ് കളിച്ച ഒറ്റ ടീമുപോലും ഇത്തവണയില്ലെന്നത് ടീമുകൾ തമ്മിൽ വലിയ അന്തരമില്ലെന്നത് അടിവരയിടുന്നു. പ്ലേ ഓഫിൽ കയറാതെ ‘സ്ഥിരത’ പുലർത്തുന്നത് പഞ്ചാബ് കിങ്സ് മാത്രമാണ്. അത്രയ്ക്കു വരില്ലെങ്കിലും ഡൽഹി ക്യാപിറ്റൽസും കൂട്ടായുണ്ട്. ആദ്യ രണ്ടു സീസണുകളിലും പ്ലേ ഓഫ് കളിച്ച പുതുക്കക്കാരായ ഗുജറാത്ത് ടൈറ്റൻസും ലക്നൗ സൂപ്പർ ജയന്റ്സും ഇത്തവണ ലീഗ് സ്റ്റേജിൽ തന്നെ പുറത്തായി.
ഐപിഎൽ 17–ാം സീസണില്‍ പ്ലേ ഓഫിൽ എത്തിയ 4 ടീമുകളിൽ മൂന്നും മുൻപു തന്നെ കിരീടത്തിൽ മുത്തമിട്ടിട്ടുള്ളവർ തന്നെയാണ്. രാജസ്ഥാൻ റോയൽസ് പ്രഥമ സീസണിൽ (2008) മുത്തമിട്ടപ്പോൾ കൊൽക്കത്ത നൈറ്റ് റൈഡേഴ്സ് ചാംപ്യൻമാരായത് രണ്ടു തവണയാണ് (20212, 2014). ഇത്തവണ പോയിന്റ് പട്ടികയിൽ രണ്ടാം സ്ഥാനത്തുള്ള ഹൈദരാബാദ് ചാംപ്യൻമാരായത് 2016ലും. നാലാം സ്ഥാനക്കാരായി പ്ലേ ഓഫിൽ ഇടം നേടിയ ബെംഗളൂരു റോയൽ ചാലഞ്ചേഴ്സ് മാത്രമാണ് ഇതുവരെ ഒരിക്കൽപോലും കപ്പിൽ മുത്തമിടാതിരുന്നിട്ടുള്ളത്. എന്നാൽ ഇത്തവണ പ്ലേ ഓഫിൽ പ്രവേശിച്ച നാലു ടീമുകളുടെയും നായകൻമാർക്ക് നായക കുപ്പായത്തിൽ ഇത് കന്നി കിരീടത്തിലേക്കുള്ള പോരാട്ടമാണ്.
രോഹിത് ശർമ, വിരാട് കോലി, ക്രിസ് ഗെയിൽ, ബ്രണ്ടൻ മക്കല്ലം... ലോക ക്രിക്കറ്റിലെ സിക്സർ രാജാക്കൻമാർ എന്ന വിശേഷണം കുത്തകയാക്കിയിരുന്ന ഈ പേരുകൾക്കൊപ്പം മറ്റനേകം പേരുകൾക്കൂടി എഴുതിച്ചേർത്ത വെടിക്കെട്ടിനാണ് ഐപിഎൽ 17–ാം സീസണ്‍ സാക്ഷ്യം വഹിച്ചത്. 57 മത്സരങ്ങളിൽ നിന്ന് തന്നെ 1000 സിക്സറുകൾ എന്ന കടമ്പതാണ്ടി എന്നതുതന്നെയാണ് ഇതിന്റെ ഏറ്റവും വലിയ തെളിവ്. 2022ൽ പുതുതായി 2 ടീമുകൾ (ഗുജറാത്ത് ടൈറ്റൻസ്, ലക്നൗ സൂപ്പർ ജയന്റ്സ്) കൂടി ഐപിഎലിലേക്ക് വന്നതോടുകൂടയാണ് ടൂർണമെന്റിലെ ആകെ സിക്സറുകളുടെ എണ്ണം ആദ്യമായി 1000 കടന്നത്. മുൻപത്തെ സീസണുകളിൽ 60 മത്സരങ്ങളായിരുന്നു ആകെ ഉണ്ടായിരുന്നതെങ്കിൽ അത് 74 മത്സരങ്ങളായി ഉയർന്നതോടെയാണ് ടൂർണമെന്റിലെ സിക്സർ മഴ 1000 കടന്ന് തിമിർത്ത് പെയ്യാൻ തുടങ്ങിയത്. പിന്നീടുള്ള രണ്ട് സീസണുകളിലും ആകെ സിക്സറുകൾ ആയിരം കടന്നു. 2022ൽ 70 മത്സരങ്ങളിൽ (16269 പന്തകൾ) നിന്നാണ് 1000 സിക്സറുകൾ പിറന്നതെങ്കിൽ 2023ൽ അത് 67 മത്സരങ്ങളിൽ (15391 പന്തുകൾ) നിന്നായി ചുരുങ്ങി. 2024ൽ എത്തിയപ്പോൾ 1000 സിക്സറുകൾ എന്ന കടമ്പ താണ്ടാൻ വേണ്ടിവന്നത് കേവലം 57 മത്സരങ്ങൾ. 17–ാം സീസണിൽ 13079 പന്തുകൾ പിന്നിട്ടപ്പോൾ തന്നെ ആകെ സിക്സറുകളുടെ എണ്ണം 1000 പിന്നിട്ടു.
ഇത്തവണത്തെ ഐപിഎലിൽ റൺമഴ പെയ്യിക്കാനുറച്ച് ബൗണ്ടറി ലൈനുകളുടെ വലുപ്പത്തിൽ സംഘാടകർ കൃത്രിമം കാണിച്ചു എന്ന വിമർശനം സീസണിന്റെ തുടക്കം മുതൽ ഉയർന്നുവന്നതാണ്. എന്നാൽ ഈ വിഷയത്തിൽ ഏറ്റവും രസകരമായ നിരീക്ഷണം നടത്തിയത് രാജസ്ഥാൻ റോയൽസിന്റെ സ്പിന്നർ ആർ.അശ്വിനായിരുന്നു. ക്രീസിൽ നിന്ന് ഞാനൊരു ച്യുയിഗം ചവച്ചുതുപ്പിയാൽ അതുപോലും ബൗണ്ടറി കടക്കുമെന്നായിരുന്നു അശ്വിൻ പറഞ്ഞത്. പറഞ്ഞത് തമാശരൂപേണയാണെങ്കിലും അശ്വിന്റെ നിരീക്ഷണത്തിൽ കഴമ്പുണ്ടെന്ന് ഐപിഎൽ 17–ാം സീസണിലെ ഇതുവരെയുള്ള മത്സരങ്ങൾ പരിശോധിച്ചാൽ മനസ്സിലാകും. സീസണിലെ ആദ്യ 54 മത്സരങ്ങളിൽ 32 തവണയാണ് ടീം ടോട്ടൽ 200 കടന്നത്. ഐപിഎൽ ചരിത്രത്തിൽ ഇതുവരെ 10 തവണയാണ് ടീം ടോട്ടൽ 250നു മുകളിൽ പോയതെങ്കിൽ അതിൽ എട്ടും ഈ സീസണിലായിരുന്നു.
ഐപിഎലിൽ ടീമുകൾ വഴങ്ങുന്ന ഓരോ റൺസിനും പലപ്പോഴും എണ്ണിയെണ്ണി വിലപറയേണ്ടി വരുന്നത് മത്സരത്തിന്റെ അവസാന നിമിഷങ്ങളിലാകും. ഇത്തരം സാഹചര്യങ്ങളിൽ ഏറ്റവും കൂടുതൽ പഴിക്കുന്നതും നിരാശപ്പെടുന്നതും വിട്ടുനൽകിയ എക്സ്ട്രാ റൺസിനെ ഓർത്താകും. മത്സര ഫലത്തിൽ പലപ്പോഴും വലിയ വില നൽകേണ്ടിവരുന്നതും ഇത്തരത്തിൽ വിട്ടുനൽകിയ എക്സ്ട്രാ റൺസുകൾ തന്നെയാകും. ഐപിഎൽ ചരിത്രത്തിൽ ഇതുവരെ 60 മത്സരങ്ങളാണ് 5 റൺസിലോ അതിൽ താഴെയോ വ്യത്യാസത്തിൽ വിധി നിർണയിക്കപ്പെട്ടിട്ടുള്ളത്. എന്നാൽ ഈ മത്സരങ്ങളിൽ ഒന്നിന്റെ പോലും ഫലം നിർണയിച്ചത് വിജയികളായ ടീമിലെ ബാറ്റർമാർ സംഭാവന ചെയ്ത റൺസ് മാത്രം ചേർത്തുവച്ചതുകൊണ്ടല്ല.
ഹാർദിക് പാണ്ഡ്യ ക്യാപ്റ്റൻ സ്ഥാനം ഏറ്റെടുത്ത മുംബൈ ഇന്ത്യൻസിന് പ്ലേ ഓഫ് കാണാൻ വിധിയില്ലെന്ന ചർച്ചകളാണ് ആരാധകർക്കിടയിൽ. എന്നാൽ ഹാർദിക് ക്യാപ്റ്റൻസി ഒഴിഞ്ഞ ഗുജറാത്ത് ടൈറ്റൻസിന്റെ കാര്യമോ? അതും തഥൈവ. ഇത്തവണ പ്ലേ ഓഫ് കാണാമെന്ന ഐപിഎലിന്റെ ഈ ഘട്ടത്തിൽ ശുഭ്‌മൻ ഗില്ലിനുപോലും ഉണ്ടാകില്ല. എന്തുപറ്റി ഗുജറാത്തിന്, കാലെടുത്തു വച്ച സീസണിൽ തന്നെ ജേതാക്കൾ. തൊട്ടടുത്ത വർഷം റണ്ണേഴ്സ് അപ്. കുതിച്ചു ചാടിയ ടൈറ്റൻസിനും പരിശീലകൻ ആശിഷ് നെഹ്റയ്ക്കും കണക്കു പിഴച്ചതെവിടെ? ഹാർദിക് എന്ന ക്യാപ്റ്റന്റെ വിടപറച്ചിലാണോ തിരിച്ചടിയായത്?
Results 1-10 of 63
