പ്രായമായവരിൽ വിഷാദരോഗ സാധ്യത കൂടുതൽ, പ്രതിരോധമാർഗങ്ങൾ ഇതാ

പ്രായമായവരിൽ വിഷാദരോഗം ഉണ്ടാകാനുള്ള സാധ്യത കൂടുതലാണെന്ന് പഠനങ്ങൾ പറയുന്നു. വിഷാദത്തെ പ്രതിരോധിക്കാനുള്ള ലളിതമായ ചില മാർഗങ്ങൾ ഇതാ...

∙ ദിവസവും 7–8 മണിക്കൂർ കൃത്യമായ ഉറക്കം ലഭിക്കുന്നെന്ന് ഉറപ്പുവരുത്തുക.
∙ ദിവസം ഒരു മണിക്കൂറെങ്കിലും വ്യായാമം ശീലമാക്കുക.
∙ നല്ല സുഹൃദ്സംഘങ്ങളെ നിലനിർത്തുക.
∙ സർഗാത്മകമായ കഴിവുകൾക്കുവേണ്ടി സമയം ചെലവഴിക്കുക.
∙ കുടുംബാംഗങ്ങളോടൊപ്പം ഒരു മണിക്കൂറെങ്കിലും ചെലവഴിക്കുക.

∙ വ്യക്തിപരമായ വിഷമങ്ങളും മാനസിക ബുദ്ധിമുട്ടുകളും കുടുംബാംഗങ്ങളോടും അടുപ്പമുള്ളവരോടും പങ്കുവയ്ക്കുക.
∙ ലഹരിവസ്തുക്കൾ പൂർണമായും ഒഴിവാക്കുക.
∙ വിഷാദരോഗത്തിന്റെ ലക്ഷണങ്ങൾ കണ്ടാൽ വച്ചുതാമസിപ്പിക്കാതെ വിദഗ്ധചികിത്സ തേടുക. 

∙ പരിചയത്തിലുള്ള ഒരു വ്യക്തിയിൽ വിഷാദരോഗത്തിന്റെ ലക്ഷണങ്ങൾ കണ്ടാൽ അയാളുടെ പ്രശ്നമെന്തെന്ന് മനസ്സിലാക്കാൻ ശ്രമിക്കുക. 
∙ കുറ്റപ്പെടുത്താതെ, ഉപദേശിക്കാതെ അയാൾക്കു പറയാനുള്ളതു ക്ഷമയോടെ കേൾക്കുക. നമ്മൾ ഒപ്പമുണ്ടെന്ന ധൈര്യം നൽകി ആശ്വസിപ്പിക്കുക.