മഴവിൽ മൾട്ടിപ്ലക്സിൽ വിഷു പ്രീമിയർ ചിത്രം ഓട്ടർഷ

മഴവിൽ മനോരമയുടെ വിഷു പ്രീമിയർ ചിത്രം ഓട്ടർഷ. വിഷുദിനമായ തിങ്കളാഴ്ചയാണ് ചിത്രം മഴവിൽ മൾടിപ്ലക്സ് എന്ന പ്ലാറ്റ്ഫോമിൽ എത്തുക. മലയാള സിനിമാപ്രേക്ഷകർക്ക് സൗജന്യമായി സിനിമ കാണാൻ അവസരമൊരുക്കുന്ന പ്ലാറ്റ്ഫോമാണ് മഴവിൽ മൾടിപ്ലക്സ്. 

സിനിമ കാണാൻ ഇവിടെ ക്ലിക്ക് ചെയ്യൂ

പ്രമുഖ ഛായാഗ്രഹകനായ സുജിത് വാസുദേവ് സംവിധാനം ചെയ്ത ചിത്രമാണ് 2018ൽ പുറത്തിറങ്ങിയ ഓട്ടർഷ. മറിമായം ഫെയിം ജയരാജ് മിത്രയാണ് സിനിമയ്ക്ക് തിരക്കഥ ഒരുക്കിയിരിക്കുന്നത്. യുവതാരങ്ങളിൽ ശ്രദ്ധേയയായ അനുശ്രീ കേന്ദ്രകഥാപാത്രമായെത്തുന്ന ചിത്രം കണ്ണൂരിന്റെ പശ്ചാത്തലത്തിലാണ് കഥ പറയുന്നത്. അനിത എന്ന ഓട്ടോറിക്ഷ ഡ്രൈവറായാണ് അനുശ്രീ വേഷമിടുന്നത്. ഉപജീവനത്തിനായി കണ്ണൂരിൽ ഓട്ടോ ഓടിപ്പിക്കേണ്ടി വരുന്ന അനിതയുടെ കഥയാണ് ഓട്ടർഷ. നിത്യജീവിതത്തില്‍ ഉണ്ടാകുന്ന തമാശകളും സംഭവങ്ങളുമൊക്കെയാണ് സിനിമയെ മുന്നോട്ടു കൊണ്ടുപോകുന്നത്.