മോനൊന്നും കഴിക്കുന്നില്ലേ, എല്ല് തള്ളി നിൽക്കുന്നു: ടൈഗറിനോട് അനുപം ഖേർ

മസിൽ പെരുപ്പിച്ച് ബോളിവുഡ് പ്രേക്ഷകരെ അമ്പരിപ്പിക്കുന്ന താരമാണ് ടൈഗർ ഷ്രോഫ്. നടന്റെ ഷർട്ടില്ലാത്ത ചിത്രത്തിന് അനുപം ഖേർ നൽകിയ കമന്റ് ആണ് ഇപ്പോൾ സമൂഹമാധ്യമങ്ങളില്‍ ൈവറലാകുന്നത്.

സിക്സ് പായ്ക്ക് ലുക്കിലുള്ള തന്റെ പഴയൊരു ചിത്രം ടൈഗർ കഴിഞ്ഞ ദിവസം ഇൻസ്റ്റഗ്രാമിൽ പങ്കുവച്ചിരുന്നു. ഈ ചിത്രത്തിനായിരുന്നു അനുപം ഖേറിന്റെ ട്രോൾ നേരിടേണ്ടി വന്നത്.

‘എന്താ മോനേ ഒന്നും കഴിക്കുന്നില്ലേ, എല്ലൊക്കെ തള്ളിനിൽക്കുന്നല്ലോ’–അനുപം ഖേർ കമന്റ് ആയി കുറിച്ചു. ആയിരക്കണക്കിന് ആളുകളാണ് അനുപം ഖേറിന്റെ കമന്റിന് ലൈക്കുകളുമായി എത്തിയത്.