മാറ്റത്തിന്‍റെ കാറ്റ് വിതച്ച് മോൺസ്റ്റർ, നിറഞ്ഞ സദസ്സിൽ തിയറ്ററുകളിൽ പത്താം ദിനത്തിലേക്ക്
Mail This Article
മാറ്റത്തിന്‍റെ കാറ്റുവീശുന്ന മലയാള സിനിമയിൽ ഏറെ വ്യത്യസ്തമായ ഒരു ആശയം പ്രമേയമാക്കി ഗംഭീര വിജയം നേടി മുന്നേറുകയാണ് മോഹൻലാലിന്‍റെ മോൺസ്റ്റര്‍. വൈശാഖും ഉദയകൃഷ്ണയും ഒരുമിച്ചപ്പോഴൊക്കെ ഹിറ്റ് സിനിമകൾ പിറന്നിട്ടുണ്ട്. മോൺസ്റ്ററും തിയറ്ററുകളിൽ ദീപാവലറി റിലീസായെത്തിയ ചിത്രം പുതുറിലീസുകൾ ശേഷം വന്നെങ്കിലും ഇപ്പോഴും തിയറ്ററുകളിൽ മാറ്റമില്ലാതെ തുടരുകയാണ് തിയറ്ററുകളിൽ.
ലക്കി സിങായി മോഹൻലാൽ വിസ്മയിപ്പിച്ച സിനിമയിൽ ഹണി റോസ്, ലക്ഷ്മി മഞ്ജു തുടങ്ങിയവരുടെ പ്രകടനം പ്രേക്ഷകർ പ്രതീക്ഷിച്ചതിലും മേലെയാണ് വന്നിട്ടുള്ളത്. ഇവരുടെ കഥാപാത്രങ്ങൾ നൽകിയ എക്സൈറ്റ്‍മെന്‍റുകളെ കുറിച്ച് സിനിമ കണ്ട പ്രേക്ഷകർ തന്നെ സോഷ്യൽമീഡിയയിലുള്‍പ്പെടെ കുറിപ്പുകള്‍ പങ്കുവെച്ചിട്ടുണ്ട്.
മുൻ മോഹൻലാൽ സിനിമകളുടെ റിലീസുകൾ പോലെ അധികം പരസ്യങ്ങളോ ഓവർ ഹൈപ്പോ ഇല്ലാതെ എത്തിയ ചിത്രം കണ്ട പ്രേക്ഷകരുടെ മൗത്ത് പബ്ലിസിറ്റിയുടെ പിൻബലത്തിലാണ് പ്രേക്ഷകരിൽ നിന്ന് പ്രേക്ഷകരിലേക്ക് എത്തിയത്. സിനിമയുടെ പുതു പ്രമേയം തന്നെയാണ് പ്രേക്ഷകരെ ഏറെ ആകര്‍ഷിച്ചിരിക്കുന്നത്.
സുദേവ് നായര്‍, ലെന, സിദ്ദിഖ്, ഗണേഷ് കുമാര്‍, ജോണി ആന്‍റണി തുടങ്ങി നിരവധി താരങ്ങളും സിനിമയിൽ ശ്രദ്ധേയ പ്രകടനം നടത്തിയിട്ടുണ്ട്. ചിത്രത്തിൽ ഛായാഗ്രഹണം നിര്‍വഹിച്ച സതീഷ് കുറുപ്പും എഡിറ്റിങ് നി‍ർവ്വഹിച്ച ഷമീർ മുഹമ്മദും സിനിമയുടെന്ന സംഗീതമൊരുക്കിയ ദീപക് ദേവും സ്റ്റണ്ട് കോറിയോഗ്രഫി ചെയ്ത സ്റ്റണ്ട് സിൽവയും അഭിനന്ദനമർഹിക്കുന്നുമുണ്ട്.
