ആമിർ ഖാന്റെ മകൾ ഇറ ഖാന്റെ വിവാഹനിശ്ചയം കഴിഞ്ഞു; വിഡിയോ.

ആമിർ ഖാന്റെ മകൾ ഇറ ഖാന്റെ വിവാഹനിശ്ചയം കഴിഞ്ഞു. നൂപുർ ശിഖർ ആണ് വരൻ. ഇറ ഖാന്റെ ദീർഘകാല സുഹൃത്താണ് ഫിറ്റ്നസ് പരിശീലകൻ കൂടിയായ നൂപുർ ശിഖർ. സെപ്റ്റംബറിൽ ഇരുവരുടെയും വിവാഹനിശ്ചയം കഴിഞ്ഞിരുന്നു. ബന്ധുക്കൾക്കും സുഹൃത്തുക്കൾക്കുമായി നിശ്ചയം ഒരു ചടങ്ങായി നിശ്ചയം നടത്തുക എന്നത് ആമിർ ഖാന്റെ ആഗ്രഹമായിരുന്നു.

ആമിർ ഖാൻ, മുൻ ഭാര്യ കിരൺ റാവു, മിതില പാൽകർ, സായ്ൻ ഖാൻ എന്നിവർ ചടങ്ങിൽ സന്നിഹിതരായിരുന്നു.

ബോളിവുഡിൽ പ്രമുഖ സംവിധായകരുടെ അസോഷ്യേറ്റ് ആയി പ്രവർത്തിക്കുകയാണ് ഇറ ഖാൻ. വിഷാദരോഗം ബാധിച്ച സമയത്ത് ഇറയെ ജീവിതത്തിലേക്ക് തിരികെയെത്താൻ സഹായിച്ചത് നൂപുറുമായുള്ള സൗഹൃദമായിരുന്നു. ആമിർ ഖാന് ആദ്യ ഭാര്യ റീന ദത്തയിലുള്ള മകളാണ് ഇറ. ഈ ബന്ധത്തിൽ ജുനൈദ് എന്ന മകനുമുണ്ട്.