‘മദ്യപിച്ച് ലക്കുകെട്ട് നടുറോഡിൽ സണ്ണി ഡിയോൾ’; വിഡിയോയുടെ വാസ്തവം

മുംബൈയിലെ തിരക്കേറിയ റോഡിലൂടെ നടന്നു നീങ്ങുന്ന സണ്ണി ഡിയോളിന്റെ വിഡിയോ സമൂഹമാധ്യമങ്ങളിൽ വൈറലായിരുന്നു. സമനില തെറ്റിയതു പോലെ നടക്കുന്ന താരം പെട്ടെന്ന് ഒരു ഓട്ടോറിക്ഷ ഡ്രൈവറുടെ സഹായത്താൽ അവിടെനിന്നു പോകുന്നതാണ് വിഡിയോയിലുള്ളത്. സണ്ണി മദ്യ ലഹരിയിലാണെന്നും ഈ പ്രവൃത്തി അൽപം കടന്നുപോയെന്നുമായിരുന്നു വിഡിയോ കണ്ട ആളുകളുടെ വിമർശനം.

സത്യത്തിൽ ഇതൊരു സിനിമയുടെ ചിത്രീകരണത്തിനിടെ പകർത്തിയ രംഗമാണ്. ശശാങ്ക് ഉദ്രപുർകർ സംവിധാനം ചെയ്യുന്ന സഫർ എന്ന സിനിമയിലെ ഒരു രംഗമാണ് സമൂഹമാധ്യമങ്ങളിൽ തെറ്റായ രീതിയിൽ പ്രചരിക്കപ്പെട്ടത്.

താൻ മദ്യപിക്കാറില്ലെന്ന് പല അഭിമുഖങ്ങളിലും സണ്ണി ഡിയോൾ വെളിപ്പെടുത്തിയിട്ടുണ്ട്. പുതിയ സിനിമയിൽ മദ്യത്തിനടിമയായ ഒരാളെയാണ് സണ്ണി ഡിയോൾ അവതരിപ്പിക്കുന്നത്.

ബോക്സ്ഓഫിസിൽ വലിയ വിജയം നേടിയ ഗദ്ദർ 2വിനു ശേഷം സണ്ണി ഡിയോൾ അഭിനയിക്കുന്ന ചിത്രം കൂടിയാണ് സഫർ. ലഹോർ 1947, ബാപ്പ് എന്നിവയാണ് താരത്തിന്റെ പുതിയ പ്രോജക്ടുകൾ.