കുഞ്ഞിന്റെ നൂലുകെട്ടും അച്ഛന്റെ പിറന്നാളും ആഘോഷമാക്കി ഷഹീൻ സിദ്ദിഖ്

നടൻ സിദ്ദിഖിന് പിറന്നാൾ ആശംസയുമായി മകൻ ഷഹീൻ സിദ്ദിഖ്. തന്റെ കുഞ്ഞിന് വാപ്പയായ സിദ്ദിഖ് നൂലുകെട്ടുന്ന ചിത്രം പങ്കുവച്ചാണ് ആശംസ നേർന്നത്. ‘വാപ്പിച്ചിക്ക് പിറന്നാൾ ആശംസകൾ’ എന്നെ അടിക്കുറിപ്പോടെയാണ് പോസ്റ്റ്.  

സിദ്ദിഖിന്റെ 62ാം പിറന്നാളാണിന്ന്. മികച്ച സ്വഭാവ നടൻ, അവതാരകൻ എന്നീ നിലയിൽ നിരവധി ആരാധകരുള്ള നടൻ പക്ഷേ ഇപ്പോൾ ലൈംഗിക പീഡന ആരോപണ വിധേയനാണ്. 

നടി നൽകിയ പീഡന പരാതിയിൽ ഇക്കഴി‍ഞ്ഞ ദിവസമാണ് സുപ്രീം കോടതി സിദ്ദിഖിന് മുൻകൂർ ജാമ്യം അനുവദിച്ചത്. ഹൈക്കോടതി ജ്യാമ്യാപേക്ഷ തള്ളിയതിനെത്തുടർന്ന് സിദ്ദിഖ് ഒളിവിൽ പോയിരുന്നു. ഇപ്പോൾ പിറന്നാൾ ആഘോഷത്തിന്റെ ചിത്രം പുറത്തുവന്നതോടെ സമൂഹമാധ്യമങ്ങളിൽ വിമർശനസ്വരങ്ങളും ഉയരുകയാണ്.