മലയാളികൾ ഉൾപ്പെടെ നിരവധി പേരുടെ ജീവിതം മാറ്റിമറിച്ച നറുക്കെടുപ്പാണ് അബുദാബി ബിഗ് ടിക്കറ്റ്. പേരുപോലെ തന്നെ അബുദാബി രാജ്യാന്തര വിമാനത്താവളത്തിലെ ഒന്നാം ടെർമിനലിലാണ് നറുക്കെടുപ്പ് നടക്കുക. 1992 മുതലാണ് ഈ ഭാഗ്യ പരീക്ഷണം ആരംഭിച്ചത്. മാസത്തിൽ ഒരിക്കലാണ് ഗ്രാൻഡ് സമ്മാനം. ആദ്യം ഒരു ദിർഹം മില്യണായിരുന്നു സമ്മാനം. ഇപ്പോഴത്, ഓരോ മാസവും വ്യത്യസ്തമാണ്. പണത്തിനു പുറമേ ആഡംബര കാറുകളും സമ്മാനമായി നൽകും. 500 ദിർഹമാണ് ഒരു ടിക്കറ്റിന്റെ ഇപ്പോഴത്തെ വില. രണ്ടു ടിക്കറ്റ് വാങ്ങുമ്പോൾ ഒരെണ്ണം സൗജന്യമായി ലഭിക്കും.
