Activate your premium subscription today
ഏതു യുദ്ധവാർഷികവും ദുഃഖവാർഷികം കൂടിയാണ്. യുദ്ധത്തെ ദുഃഖം എന്നു മാറ്റിവിളിച്ചത് വിഖ്യാത എഴുത്തുകാരൻ ഒ.വി.വിജയനാണ്. വീണ്ടുമൊരു വലിയ ദുഃഖം ഒരു വർഷം പിന്നിട്ട് കനത്ത നാശനഷ്ടങ്ങളായി പെയ്യുകയാണിപ്പോൾ.
റഷ്യ– യുക്രെയ്ൻ യുദ്ധം തുടങ്ങി രണ്ടു വർഷം കഴിഞ്ഞിരിക്കുന്നു. ഇരു രാജ്യങ്ങളും യുദ്ധം നിർത്താൻ തയാറല്ല. യുദ്ധത്തിന്റെ ഗുണഭോക്താക്കളായിരിക്കുന്ന രാജ്യങ്ങൾക്കാകട്ടെ ഇടപെട്ട് യുദ്ധം നിർത്തിക്കാനും ഒരു താൽപര്യവും ഇല്ല. ഇത്രയേറെ മനുഷ്യജീവനുകള്‍ നഷ്ടപ്പെട്ടിട്ടും നാശനഷ്ടങ്ങൾ സംഭവിച്ചിട്ടും ലോകം എന്തുകൊണ്ടാകും യുദ്ധത്തിന്റെ കെടുതികൾക്കു നേരെ കണ്ണടയ്ക്കുന്നത്? അതൊരു പണമൊഴുകുന്ന ബിസിനസ് ആയതു കൊണ്ടാണ് എന്ന അഭിപ്രായങ്ങളും പല കോണുകളിൽ നിന്നും ഉയരുന്നുണ്ട്. മാനവരാശിക്ക് അതിരുകളില്ലാത്ത ദുരിതങ്ങൾ നൽകുന്ന യുദ്ധങ്ങൾ പണക്കൊതിയുടെ ബിസിനസ് ആണെന്ന് പറയാനാകുമോ? മനുഷ്യാവകാശം, ജനാധിപത്യം, സ്വാതന്ത്ര്യം തുടങ്ങിയ കാര്യങ്ങളുടെ മറപിടിച്ചാണ് അമേരിക്ക പല യുദ്ധങ്ങൾക്കും തുടക്കമിട്ടത്. ഇക്കാര്യം ലോകത്തെ ബോധ്യപ്പെടുത്താൻ പലപ്പോഴും സാധിച്ചിട്ടുമുണ്ട് (പ്രതിഷേധങ്ങളെ മറക്കുന്നില്ല). ഇതോടൊപ്പംതന്നെ സ്വന്തം ‘ബിസിനസ്’ വളർത്താനും മേൽപ്പറഞ്ഞ മൂന്ന് കാര്യങ്ങളും അമേരിക്ക ഇപ്പോഴും പ്രയോജനപ്പെടുത്താറുണ്ടെന്നതാണ് യാഥാർഥ്യം.
യുക്രെയ്നിലെ പോരാട്ടഭൂമിയിൽ വീണ്ടും മ‍ഞ്ഞുകാലത്തിനും മഴയ്ക്കും റഷ്യയുടെ കടുത്ത വിന്റർ ഒഫൻസീവിനും തുടക്കമായിരിക്കുന്നു. ഏറെ പ്രതീക്ഷയോടെ യുഎസും സഖ്യകക്ഷികളും സഹായം നൽകിയ യുക്രെയ്നിയൻ പ്രത്യാക്രമണ പദ്ധതി അമ്പേ പരാജയപ്പെടുകയും റഷ്യൻ സേന വർധിത വീര്യത്തോടെ പോരാട്ടം തുടങ്ങുകയും ചെയ്തതോടെ യുക്രെയ്നിൽനിന്ന് അശുഭകരമായ വാർത്തയ്ക്കു തയാറെടുക്കാൻ നാറ്റോ ചീഫ് ജെൻസ് സ്റ്റോളൻബെർഗ് നാറ്റോ സഖ്യകക്ഷികൾക്കു മുന്നറിയിപ്പു നൽകിക്കഴിഞ്ഞു. കടുത്ത പോരാട്ടം തുടരുന്ന ഡോണേറ്റ്സ്ക് മേഖലയിലെ മാരിയുങ്ക നഗരത്തിന്റെ നിയന്ത്രണം റഷ്യ പൂർണമായും പിടിച്ചെടുത്തു. യുഎസ് അടക്കമുള്ള സഖ്യകക്ഷികളുടെ സഹായം കുത്തനെ കുറഞ്ഞതോടെ ഏതു നിമിഷവും യുക്രെയ്നിയൻ പ്രതിരോധം തകർന്നടിഞ്ഞേക്കുമെന്ന ആശങ്കയും ഉയരുന്നു. 23 മാസം പിന്നിടുന്ന യുദ്ധത്തിനിടെ 2023 ഡിസംബർ 30ന് യുക്രെയ്നിനു നേരെ റഷ്യ നടത്തിയ ഏറ്റവും വലിയ മിസൈൽ ആക്രമണം യുക്രെയ്നിന്റെ വ്യോമപ്രതിരോധ സംവിധാനങ്ങളെയും തലസ്ഥാനമായ കീവിനെയും വിറപ്പിച്ചുകഴിഞ്ഞു. 2023ലെ മഞ്ഞുകാലത്ത് ബാഖ്മുത്തിനായി പോരാട്ടം നടത്തിയ റഷ്യൻ സൈന്യം ഇക്കുറി പിടിച്ചെടുക്കാൻ ലക്ഷ്യമിട്ടിരിക്കുന്നത് ഡോണേറ്റ്സ്ക് മേഖലയിലെ അവ്ദിവ്കയാണ്. യുക്രെയ്നിന്റെ പ്രതിരോധക്കോട്ടയിൽ ഏറ്റവും ശക്തമെന്നു വിലയിരുത്തപ്പെടുന്ന അവ്ദിവ്കയെ മൂന്നു വശത്തുനിന്ന് വളഞ്ഞ റഷ്യ, സാവകാശം മുന്നേറ്റവും തുടങ്ങി.
കീവ് ∙ കിഴക്കൻ യുക്രെയ്‌നിലുണ്ടായ റഷ്യൻ മിസൈൽ ആക്രമണത്തിൽ ഒരു കുട്ടിയടക്കം 17 പേർ കൊല്ലപ്പെട്ടതായി റിപ്പോർട്ട്. സംഭവത്തിൽ 32 പേർക്ക് പരുക്കേറ്റു. സ്ഫോടനത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ഒന്നുമറിയാത്ത നിരപരാധികളെയാണ് റഷ്യ ആക്രമിക്കുന്നതെന്ന് യുക്രെയ്ൻ പ്രസിഡന്റ് വൊളോഡിമിർ
വാഷിങ്‌ടൻ ∙ റഷ്യ യുക്രൈയ്ൻ യുദ്ധത്തിലെ ക്ലസ്റ്റർ ബോംബുകളുടെ പ്രയോഗം ശക്തമാകുന്നതായി റിപ്പോർട്ട്. റഷ്യ ക്ലസ്റ്റർ ബോംബുകൾ വർഷിക്കുന്നത് കൊണ്ടാണ് യുക്രൈയ്ന് ക്ലസ്റ്റർ ബോംബുകൾ നൽകുന്നതെന്ന് യുഎസ് പ്രസിഡന്റ് ജോ ബൈഡൻ അവകാശപ്പെടുന്നു. അതിർത്തി പ്രദേശങ്ങളിൽ നിന്നും റഷ്യൻ സേനയെ തുരത്താനാണ് യുക്രൈയ്ൻ
തകർന്ന വീടുകൾ, തീപിടിച്ച് നശിച്ച പെട്രോൾ പമ്പുകൾ, ഷെല്ലാക്രമണത്തിൽ നശിച്ച ഫാക്ടറികൾ...മരിയുപോൾ നഗരത്തിന്റെ വടക്കുള്ള വെലിക നോവോസിൽക്ക ശരിക്കും പ്രേതനഗരമാണ്. അപൂർവം വീടുകൾ
ആഗോള സമ്പദ്‌വ്യവസ്ഥയെയും ജനജീവിതത്തെയും പിടിച്ചുലച്ച യുക്രെയ്ൻ യുദ്ധം ആരംഭിച്ചിട്ട് ഇന്ന് ഒരു വർഷം. രണ്ടാം ലോകയുദ്ധത്തിന് ശേഷം യൂറോപ്പ് കണ്ട ഏറ്റവും വലിയ യുദ്ധത്തിലും ഇരുപക്ഷത്തിനും ആൾനാശമുൾപ്പെടെ കനത്ത നഷ്ടമാണുണ്ടായത്. ജയിച്ചവനും തോറ്റവനും ഒരുപോലെ തോൽക്കുന്ന, തോരാക്കണ്ണീർ മാത്രം ബാക്കിയാകുന്ന
ഉപ്പുഖനികൾക്കു പ്രശസ്തമാണ് യുക്രെയ്നിന്റെ കിഴക്കൻ നഗരമായ ബഖ്മുട്ട്. യുക്രെയ്നുമായി യുദ്ധം ആരംഭിച്ച് 11 മാസത്തിനിടെ ഏറ്റവും രൂക്ഷമായ ആക്രമണമാണ് റഷ്യ നിലവിൽ അവിടെ നടത്തുന്നത്. അതും റഷ്യൻ പ്രസിഡന്ഖ് വ്ളാഡിമിർ പുട്ടിൻ പ്രഖ്യാപിച്ച 36 മണിക്കൂർ ക്രിസ്മസ് വെടിനിർത്തൽ അവസാനിച്ചതിനു തൊട്ടുപിന്നാലെ. പക്ഷേ യുദ്ധം ബഖ്മുട്ടിലാണെങ്കിലും അതിനെ വിശേഷിപ്പിക്കാൻ പാശ്ചാത്യ മാധ്യമങ്ങൾ ഉൾപ്പെടെ ഇപ്പോൾ ഉപയോഗിക്കുന്ന ഒരു വാചകമുണ്ട്– ‘മരിയുപോളിലേത് പോലെയാണ് റഷ്യൻ ആക്രമണം..’ എന്ന്. അത്രയേറെ ഭീകരമാംവിധം എന്താണ് മരിയുപോളിൽ സംഭവിച്ചത്? അസോവ് കടലിന്റെ വടക്കന്‍ തീരത്തു സ്ഥിതിചെയ്യുന്ന മരിയുപോള്‍ നഗരം ഇന്ന് റഷ്യൻ യുദ്ധഭീകരതയുടെ പേടിപ്പെടുത്തുന്ന ഉദാഹരണമാണ്. ‘മരണത്തിന്റെ നഗരമാ’യാണ് ലോകം ഇന്നതിനെ വിശേഷിപ്പിക്കുന്നതുതന്നെ. മരിയുപോള്‍ റഷ്യയുടെ കൈകളില്‍ അകപ്പെട്ട് എട്ടു മാസം കഴിയുമ്പോള്‍, യുദ്ധക്കുറ്റങ്ങളുടെ തെളിവുകള്‍ സഹിതം യുക്രെയ്നുമായി ബന്ധപ്പെട്ട എല്ലാ അവശിഷ്ടങ്ങളും മായ്ച്ചുകളയാനാണ് പുട്ടിന്റെ സേനയുടെ ശ്രമം. റഷ്യന്‍ സൈന്യത്തിന്റെ ആക്രമണത്തില്‍ തകര്‍ന്ന കെട്ടിടങ്ങളെല്ലാം പൊളിച്ചുനീക്കുകയാണവിടെ. വഴികളിലെങ്ങും റഷ്യന്‍ സൈനിക വാഹനങ്ങളുടെ ശബ്ദം നിറഞ്ഞിരിക്കുന്നു. തുറന്നിരിക്കുന്ന സ്‌കൂളുകളില്‍ റഷ്യന്‍ പാഠ്യപദ്ധതിയാണ് പഠിപ്പിക്കുന്നത്. ഫോണ്‍, ടെലിവിഷന്‍ നെറ്റ്‌വര്‍ക്കുകള്‍ എല്ലാം റഷ്യന്‍. യുക്രെയ്‌നിയന്‍ കറന്‍സി വിനിമയവും കുറവ്, പകരം റഷ്യൻ റൂബിളാണ്. ചുരുക്കത്തില്‍, പഴയ മരിയുപോളിന്റെ അവശിഷ്ടങ്ങൾക്കു മേൽ, ഒരു പുതിയ റഷ്യന്‍ നഗരം ഉയരുകയാണ്. ആ അവശിഷ്ടങ്ങൾക്കടിയിലാകട്ടെ മൃതദേഹങ്ങളുടെ കൂമ്പാരമുണ്ടെന്നും രാജ്യാന്തര നിരീക്ഷകർ ചൂണ്ടിക്കാട്ടുന്നു. പക്ഷേ അതിനൊന്നും തെളിവില്ല. എല്ലാം തേയ്ച്ചുമാച്ചു കളയപ്പെടുന്നു. ഒരു റഷ്യന്‍ പുനര്‍നിര്‍മാണ പദ്ധതിക്കും തിരിച്ചു തരാൻ കഴിയാത്തവിധമാണ് മരിയുപോളിലുണ്ടായ നഷ്ടം. അവിടുത്തുകാരുടെ പ്രിയപ്പെട്ടവരെ മാത്രമല്ല, അവർക്കു പ്രിയപ്പെട്ട മണ്ണിനെയും കാഴ്ചകളെയും ഓര്‍മകളെയും വരെ മറവിയുടെ മൂടുപടത്തിലേക്കു വലിച്ചിഴച്ചു മാറ്റിയിരിക്കുകയാണ് റഷ്യ. ബഖ്മുട്ടിൽ ഉൾപ്പെടെ യുദ്ധം കൊടുമ്പിരിക്കൊള്ളുമ്പോൾ മരിയുപോളിന്റെ ചരിത്രത്തിലൂടെ, അവിടുത്തെ മനുഷ്യരിലൂടെ, മണ്ണിലൂടെ, യുദ്ധഭീകരതയിലൂടെ ഒരു യാത്ര...
ലണ്ടൻ∙ യുക്രെയ്നിൽ അധിനിവേശം നടത്തുന്ന റഷ്യൻ സൈനികർ ബലാത്സംഗവും ലൈംഗിക അതിക്രമവും ‘ആയുധമായി’ ഉപയോഗിക്കുകയാണെന്നു യുക്രെയ്ന്റെ പ്രഥമ വനിത ഒലേന സെലൻസ്ക. യുദ്ധ സമയങ്ങളിൽ ഉണ്ടാകുന്ന ലൈംഗികാത്രിക്രമങ്ങളെ എങ്ങനെ കൈകാര്യം ചെയ്യണമെന്ന വിഷയത്തിൽ ലണ്ടനിൽ നടന്ന രാജ്യാന്തര സമ്മേളനത്തിൽ പങ്കെടുത്ത്
പുട്ടിൻ യുക്രെയ്നിലേക്ക് സൈന്യത്തെ അയച്ചത് കേവലം സൈനിക നടപടി എന്നു പറഞ്ഞാണ്. കൂറ്റൻ ടാങ്കുകളും മിസൈലുകളും കാണിച്ച്, പൂ പറിക്കുന്ന ലാഘവത്തോടെ യുക്രെയ്ൻ എന്ന പരമാധികാര രാജ്യത്തെ സ്വന്തം കാൽക്കീഴിലാക്കാൻ സാധിക്കുമെന്ന് അദ്ദേഹം വിശ്വസിച്ചു. ആഴ്ചകൾകൊണ്ട് അവസാനിപ്പിക്കാമെന്ന് കരുതിയ യുദ്ധം മാസങ്ങൾ നീണ്ടു. റഷ്യൻ പ്രസിഡന്റിന്റെ കരുത്തുറ്റ കൈകളിൽനിന്നും യുദ്ധം വ്യാഘ്രത്തെപ്പോലെ കുതിച്ചുചാടി..
Results 1-10 of 62
