Activate your premium subscription today
രണ്ടാഴ്ചയോളം പനിപിടിച്ചുകിടന്ന ഇന്ത്യന്‍ ഓഹരിവിപണി അദാനി ഗ്രൂപ്പ് കമ്പനികളില്‍ യുഎസ് നിക്ഷേപസ്ഥാപനം നടത്തിയ വിശ്വാസപ്രഖ്യാപനത്തോടെ ചാടിയെഴുന്നേല്‍ക്കുന്നതാണ് കഴിഞ്ഞയാഴ്ച കണ്ടത്. പണപ്പെരുപ്പവും പലിശനിരക്കുവര്‍ധനയും വീണ്ടും ഡ്രൈവിങ് സീറ്റില്‍ കയറിയിരുന്നതിനാല്‍ അസ്വസ്ഥമായിരുന്ന ആഗോളവിപണികള്‍ക്ക് ആശ്വാസമേകുന്ന ചില പ്രസ്താവനകളും യുഎസ് ഫെഡ് പ്രതിനിധികളില്‍നിന്നു വന്നു. ബജറ്റ് വാരത്തിലെ വ്യാപാരത്തിനിടെ കണ്ട ഏറ്റവും താഴ്ന്ന നിലവാരവും ഭേദിച്ച് താഴേക്കു പോയ ഇന്ത്യന്‍ വിപണി കഴിഞ്ഞ 3 വ്യാപാരദിനങ്ങളിലായി നടത്തിയ കുതിപ്പിനു തുടര്‍ച്ച ലഭിക്കുമോ അതോ വിറ്റുമടുത്ത വിപണിയില്‍ കണ്ട റിലീഫ് റാലി മാത്രമായി അവസാനിക്കുമോ എന്നതാണ് എല്ലാവരും ഉറ്റുനോക്കുന്നത്. യുഎസ് ഫെഡ് ചെയര്‍മാന്‍ യുഎസ് സമ്പദ്‌വ്യവസ്ഥയെയും പണനയ നടപടികളെയും കുറിച്ച് ചൊവ്വ, ബുധന്‍ ദിവസങ്ങളിലായി പാര്‍ലമെന്റില്‍ നല്‍കാനിരിക്കുന്ന വിശദീകരണത്തിലേക്കാണ് ആഗോളവിപണികളുടെ ശ്രദ്ധ മുഴുവന്‍.
ബജറ്റ് കഴിഞ്ഞു, ആർബിഐയും യുഎസ് ഫെഡും വീണ്ടും പലിശ ഉയർത്തി, അദാനി ഗ്രൂപ്പിനെക്കുറിച്ച് ഒട്ടേറെ വാർത്തകൾ വന്നും പോയുമിരുന്നു, ബഹുഭൂരിപക്ഷം കമ്പനികളുടെയും മൂന്നാംപാദ പ്രവർത്തനഫലങ്ങളും വന്നുകഴിഞ്ഞു – എല്ലാം ചേർന്ന് ബഹളമയമായ രണ്ടാഴ്ചയ്ക്കു ശേഷം ഓളമടങ്ങിയ ഇന്ത്യൻ ഓഹരിവിപണി പുതിയ തിര തേടി നിൽക്കുമ്പോഴാണ് ഇന്ത്യയിലെ പണപ്പെരുപ്പം എല്ലാ കണക്കുകൂട്ടലും തെറ്റിച്ച് പിടിവിട്ടു പറന്നത്(6.52%). 2 മാസത്തെ ഇടവേളയ്ക്കു ശേഷമാണ് പണപ്പെരുപ്പം വീണ്ടും ആർബിഐയുടെ സഹനപരിധിക്കു(6%) മുകളിലേക്കുയരുന്നത്. ഇതു വിപണിയെ എങ്ങനെ സ്വാധീനിക്കും, ഈയാഴ്ചയെ ഇനിയെന്തൊക്കെ കാത്തിരിക്കുന്നു? വിശദമായി പരിശോധിക്കാം.
അദാനി ഗ്രൂപ്പിനെക്കുറിച്ചുള്ള വാർത്തകളുടെ തിരത്തള്ളലിൽ ആടിയുലഞ്ഞ് ബജറ്റ് വാരം കഴിച്ചുകൂട്ടിയ ഇന്ത്യൻ ഓഹരി വിപണി ഈയാഴ്ച ആർബിഐയുടെ പണനയ തീരുമാനത്തിനായി കാത്തിരിക്കുകയാണ്. വലിയ മാറ്റങ്ങൾക്കു വഴിവയ്ക്കുന്നതല്ലെങ്കിലും ഓഹരിവിപണിക്ക് ഏറെക്കുറെ അനുകൂലമെന്നു വിശേഷിപ്പിക്കാവുന്ന ബജറ്റ് മുന്നോട്ടുള്ള നാളുകളിലും വിപണിയെ നയിക്കും. അതിനിടെ, ചൈനയുടെ നിരീക്ഷണ ബലൂൺ യുഎസ് വെടിവച്ചിട്ട സംഭവം വരുംനാളുകളിൽ ഏതു രീതിയിൽ ഉരുത്തിരിയുമെന്ന ആശങ്ക വിപണിക്കുണ്ട്. അദാനി ഗ്രൂപ്പിനു കീഴിലുള്ള 7 കമ്പനികളുടെ മൂന്നാം പാദ പ്രവർത്തനഫലം ഈയാഴ്ച വരാനിരിക്കുന്നതും വിപണി സൂക്ഷ്മമായി നിരീക്ഷിക്കും. എങ്ങനെയാണ് കേന്ദ്ര ബജറ്റിനെ വിപണി സ്വീകരിച്ചത്? നാഷനൽ സ്റ്റോക്ക് എക്സ്ചേഞ്ച് അദാനി ഗ്രൂപ്പ് കമ്പനികളെ അധിക നിരീക്ഷണ നടപടി പട്ടികയിൽ ഉൾപ്പെടുത്തിയത് നിക്ഷേപകരെ ആശങ്കപ്പെടുത്തുന്ന നീക്കമാണോ? പണപ്പെരുപ്പം 48 വർഷത്തിനിടയിലെ ഏറ്റവും ഉയർന്ന നിലയിലെത്തിയ നിലയിലാണ് പാക്കിസ്ഥാൻ. ഐഎംഫ് വായ്പയ്ക്കായുള്ള നിർദേശങ്ങൾ കടുത്തതാണെന്ന് പാക്ക് പ്രധാനമന്ത്രി തന്നെ പറഞ്ഞതോടെ ആ രാജ്യത്തെ വിപണിയുടെ ഭാവി എന്താകും? ചൈനീസ് ബലൂൺ യുഎസ് വെടിവച്ചിട്ടത് രാജ്യാന്തര വിപണിയെ ബാധിക്കുമോ? ഈയാഴ്ച നിക്ഷേപകർ വിപണിയിൽ ശ്രദ്ധിക്കേണ്ടത് എന്തെല്ലാമാണ്? വിശദമായി പരിശോധിക്കാം.
കേന്ദ്രബജറ്റ് അവതരിപ്പിക്കപ്പെടുന്ന ആഴ്ച ഓഹരിവിപണിയുടെ ശ്രദ്ധ അതിനുമപ്പുറമുളള ആശങ്കകളിലേക്ക് തിരിയുന്ന സാഹചര്യം അപൂര്‍വമാണ്. അദാനി ഗ്രൂപ്പിനെതിരെ, അമേരിക്കയിലെ നിക്ഷേപ ഗവേഷണ സ്ഥാപനവും ഷോര്‍ട്‌ സെല്ലറുമായ ഹിന്‍ഡന്‍ബര്‍ഗ് പൊട്ടിച്ച വെടിയുടെ പുക അടങ്ങിയിട്ടില്ല. ഹിന്‍ഡന്‍ബര്‍ഗ് തൊടുത്തുവിട്ട 106 പേജ് ആരോപണങ്ങള്‍ക്ക് അദാനിയുടെ മറുപടിയും അദാനി കമ്പനികളുടെ ഓഹരിവില പോലെത്തന്നെയാണ്– 413 പേജ്. എന്നാല്‍ തങ്ങളുടെ മുഖ്യ ആരോപണങ്ങള്‍ക്കൊന്നും അദാനി മറുപടി നല്‍കിയിട്ടില്ലെന്ന് ഹിന്‍ഡര്‍ബര്‍ഗ് പറയുന്നു. ഈ യുദ്ധം നീണ്ടു പോകുന്നത് ഏതായാലും ഇന്ത്യന്‍ വിപണിക്കു നല്ലതല്ല. കേന്ദ്ര ബജറ്റിനു പുറമെ, യുഎസ്, യുകെ, യൂറോ മേഖല എന്നിവിടങ്ങളിലെ പലിശനിരക്കു പ്രഖ്യാപനം, ഇന്ത്യയും ചൈനയുമുള്‍പ്പെടെ പല രാജ്യങ്ങളിലെയും മാനുഫാക്ചറിങ്, സേവന മേഖലകളുടെ പിഎംഐ ഡേറ്റ, എസ്ബിഐ, എച്ച്ഡിഎഫ്സി, എൽ&ടി, ബജാജ് ഫിൻസെ‍ർവ് തുടങ്ങി ഒട്ടേറെ പ്രമുഖ കമ്പനികളുടെ പ്രവര്‍ത്തന ഫലങ്ങള്‍ എന്നിവയെല്ലാം ഈ വാരത്തെ സംഭവബഹുലമാക്കും. അതിനിടെ, ഒട്ടേറെ പ്രതിസന്ധികള്‍ക്കു നടുവിൽനിന്ന് ധനമന്ത്രി അവതരിപ്പിക്കുന്ന ബജറ്റ് എപ്രകാരമുള്ളതായിരിക്കും എന്ന ചോദ്യം ബാക്കി. എന്താണ് ഇന്ത്യൻ ഓഹരി വിപണിയിലെ അവസ്ഥ? എന്തെല്ലാമാണ് അവിടെനിന്നുള്ള പ്രതീക്ഷകള്‍? വിശദമായി പരിശോധിക്കാം...
Results 1-4
