കേരളത്തിൽ മുൻ മുഖ്യമന്ത്രി, മുൻ കേന്ദ്രമന്ത്രി. എെഎസിസി മുതിർന്ന പ്രവർത്തകസമിതിയംഗമായ ആന്റണി കോൺഗ്രസിലെ സുപ്രധാനമായ പല സ്ഥാനങ്ങളും വഹിച്ചിട്ടുണ്ട്. മൂന്നു ഘട്ടങ്ങളിലായി പത്തു വർഷത്തോളം കേന്ദ്രമന്ത്രിയായിരുന്നു. പ്രതിരോധം, പൊതുവിതരണം തുടങ്ങിയ വകുപ്പുകൾ കൈകാര്യം ചെയ്തു. 1993ൽ നരസിംഹറാവു മന്ത്രിസഭയിൽ പൊതുവിതരണവും 2006ലും 2009ലും മൻമോഹൻസിങ് മന്ത്രിസഭയിൽ പ്രതിരോധവും. മൂന്നു തവണ (1977,1995,2001) കേരള മുഖ്യമന്ത്രിയായിരുന്നു. 77ൽ മുഖ്യമന്ത്രിയാകുമ്പോൾ മുപ്പത്താറു വയസുമാത്രമുണ്ടായിരുന്ന ആന്റണി ആ സ്ഥാനത്തെത്തുന്ന കേരളത്തിലെ ഏറ്റവും പ്രായം കുറഞ്ഞ വ്യക്തിയാണ്.1996–2001 കാലഘട്ടത്തിൽ കേരളത്തിൽ പ്രതിപക്ഷനേതാവായിരുന്നു. പ്രവർത്തകസമിതിയംഗമെന്ന നിലയിൽ 2004 മുതൽ ഡൽഹി കേന്ദ്രമാക്കിയാണ് പ്രവർത്തനം.
