പുതുച്ചേരിയിൽ കുട്ടികൾക്ക് വീണ്ടും ഉച്ചഭക്ഷണത്തോടൊപ്പം മുട്ട

ചെന്നൈ ∙ പുതുച്ചേരിയിലെ സർക്കാർ സ്കൂൾ വിദ്യാർഥികൾക്ക് ഉച്ചഭക്ഷണത്തോടൊപ്പം മുട്ട നൽകുന്ന പദ്ധതി പുനരാരംഭിച്ചു. സ്കൂളുകളിൽ നടപ്പാക്കിയിട്ടുള്ള സൗജന്യ ഉച്ചഭക്ഷണ പരിപാടിയുടെ ഭാഗമായി സസ്യഭക്ഷണവും മുട്ടയുമാണ് നൽകി വന്നിരുന്നത്. എന്നാൽ കോവിഡ് ലോക്ഡൗൺ കാലത്ത് മുട്ട വിതരണം നിർത്തി വച്ചിരുന്നു.ഒരു വിദ്യാർഥിക്ക് ആഴ്ചയിൽ 3 മുട്ട വീതമാണ് നൽകുക. വിദ്യാർഥികൾക്ക് നൽകാനുള്ള മുട്ടകൾ ഗുണനിലവാരം ഉറപ്പു വരുത്തി സീൽ ചെയ്താണ് അയയ്ക്കുക. മുട്ടകൾ കരിഞ്ചന്തയിൽ വിൽക്കുന്നത് തടയാനും ‘പുതുച്ചേരി മിഡ് ഡേ മീൽ സ്കീം’ എന്നു സീൽ ചെയ്യുന്നത് സഹായിക്കുമെന്ന് അധികൃതർ പറഞ്ഞു.