ഒന്നൊന്നര ഇഞ്ചി! 8 കിലോ തൂക്കം

കട്ടപ്പന ∙ ഒറ്റ  ചുവടിൽ 8 കിലോ  ഇഞ്ചി വിളയിച്ച് അമ്പലക്കവല കൊല്ലക്കാട്ട് കെ.ആർ.അനിൽകുമാർ. 5 വർഷം മുൻപ് വിത്ത് വാങ്ങിയാണ് ഇദ്ദേഹം ഇഞ്ചിക്കൃഷി ആരംഭിച്ചത്. തുടക്കത്തിൽ രണ്ടു കിലോ വരെ തൂക്കമുള്ള ഇഞ്ചിയാണ് ലഭിച്ചിരുന്നത്. കഴിഞ്ഞ വർഷം 5 കിലോ തൂക്കമുള്ള ഇഞ്ചി ലഭിച്ചിരുന്നു. ഇത്തവണ അത് 8 കിലോയായി മാറി. ഈ ഇഞ്ചിക്ക് 6 അടിയോളം ഉയരത്തിൽ തണ്ട് വളർന്നിരുന്നെന്ന് അനിൽകുമാർ പറയുന്നു. ജൈവവളം മാത്രം ഉപയോഗിച്ചാണ്  കൃഷിരീതി. ഭാര്യ അനിയും കൃഷിയിൽ സജീവമാണ്.