നാലിടത്ത് നാളെ ഉപതിരഞ്ഞെടുപ്പ്

കണ്ണൂർ∙ ജില്ലയിലെ 4 തദ്ദേശ വാർഡുകളിലേക്ക് നാളെ ഉപതിരഞ്ഞെടുപ്പു നടക്കും. മുന്നൊരുക്കങ്ങൾ പൂർത്തിയായതായി സംസ്ഥാന തിരഞ്ഞെടുപ്പ് കമ്മിഷണർ എ.ഷാജഹാൻ അറിയിച്ചു.മുഴപ്പിലങ്ങാട് പഞ്ചായത്തിലെ വാർഡ് 5 മമ്മാക്കുന്ന്, രാമന്തളി പഞ്ചായത്തിലെ വാർഡ് 9 പാലക്കോട് സെൻട്രൽ, മട്ടന്നൂർ നഗരസഭയിലെ വാർഡ് 29 ടൗൺ, മാടായി പഞ്ചായത്തിലെ വാർഡ് 20 മുട്ടം ഇട്ടപ്പുറം എന്നിവിടങ്ങളിലാണ് ഉപതിരഞ്ഞെടുപ്പ്.രാവിലെ 7 മുതൽ വൈകിട്ട് 6 വരെ വോട്ട് ചെയ്യാം. വോട്ടെണ്ണൽ 23ന് രാവിലെ 10ന് നടത്തും.

ഇന്നു മുതൽ അവധി
ഉപതിരഞ്ഞെടുപ്പിൽ കൗണ്ടിങ് സ്റ്റേഷനുകളായ സ്ഥാപനങ്ങൾക്ക് ഇന്നു മുതൽ 23 വരെ അവധി പ്രഖ്യാപിച്ചതായി ജില്ലാ കലക്ടർ അറിയിച്ചു.

ഡ്രൈഡേ
ഉപതിരഞ്ഞെടുപ്പുമായി ബന്ധപ്പെട്ട് നാളെ വൈകിട്ട് 6 വരെയും 23നും തിരഞ്ഞെടുപ്പ് നടക്കുന്ന വാർഡുകളിൽ ഡ്രൈഡേ പ്രഖ്യാപിച്ചു.