‘സുന്ദരിയില’ കണ്ടെത്തി കാലിക്കറ്റിലെ ഗവേഷക വിദ്യാർഥികൾ
Mail This Article
×
തേഞ്ഞിപ്പലം ∙ കാലിക്കറ്റ് സർവകലാശാലാ സസ്യശാസ്ത്ര വിഭാഗത്തിലെ ഗവേഷക വിദ്യാർഥിനികൾ മലനിരകളിൽ നടത്തിയ ഗവേഷണത്തിൽ പുതിയ ചെടി തിരിച്ചറിഞ്ഞു. സുന്ദരിയില (സോണറില ലുൻഡിനി). അഗസ്ത്യ മലയുമായി ബന്ധപ്പെട്ട തിരുവനന്തപുരം ചെമുഞ്ചി മലനിരകളിൽ 1200 മീറ്റർ ഉയരത്തിലാണ് മെലാസ്റ്റൊമെറ്റേസിയ സസ്യ കുടുംബാംഗമായ സോണറില ഇനത്തിൽപ്പെട്ട സസ്യം തിരിച്ചറിഞ്ഞത്.
എം.പി.കൃഷ്ണപ്രിയ (പുലാമന്തോൾ), ഡോ.എസ്.രശ്മി (ചേലക്കര) എന്നിവരാണ് ഡോ. സന്തോഷ് നമ്പിയുടെ നേതൃത്വത്തിൽ നടത്തിയ ഗവേഷണത്തിന്റെ ഭാഗമായി സസ്യം കണ്ടെത്തിയത്. ഡോ. നിക്കോ സെല്ലിനീസും (ഫ്ലോറിഡ വാഴ്സിറ്റി ശാസ്ത്രജ്ഞ) ഗവേഷക സംഘത്തിൽ ഉണ്ടായിരുന്നു. രാജ്യാന്തര സസ്യ വർഗീകരണ ജേണൽ റീഡെയിലിൽ സുന്ദരിയില കണ്ടെത്തിയതു സംബന്ധിച്ച് പുതിയ ലക്കത്തിൽ പ്രസിദ്ധീകരിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.