സെന്റ് മേരീസിൽ ‘60 വർഷം 60 വൃക്ഷത്തൈകൾ’ പദ്ധതി

ബത്തേരി ∙ സെന്റ് മേരീസ് കോളജ് 60 വർഷം പിന്നിടുന്നതിന്റെ ഭാഗമായി കലാലയ അങ്കണത്തിൽ ഓയിസ്ക ബത്തേരി ചാപ്റ്റർ 60 വൃക്ഷത്തൈകൾ നട്ടു. ഓയിസ്ക ദിനത്തിലാണ് തൈകൾ നട്ടത്. ‘60 വർഷം 60 തൈകൾ’ പദ്ധതി ഓയിസ്ക സൗത്ത് ഇന്ത്യൻ ചാപ്റ്റർ വൈസ് പ്രസിഡന്റ് പ്രഫ. തോമസ് തേവര ഉദ്ഘാടനം ചെയ്തു .

ബത്തേരി ചാപ്റ്റർ പ്രസിഡന്റ് ജോയിച്ചൻ വർഗീസ് അധ്യക്ഷത വഹിച്ചു.കേരള ചാപ്റ്റൽ സെക്രട്ടറി വിനയകുമാർ അഴിപ്പുറത്ത്, പ്രഫ. ജോൺ മത്തായി നൂറനാൽ, പ്രഫ. എ.വി. തരിയത്. സെക്രട്ടറി വി.എൻ. സുരേഷ്ബാബു എന്നിവർ പ്രസംഗിച്ചു. പരിപാടിയിൽ നൂറ്റൻപതോളം പേർ പങ്കാളികളായി.