സ്വിണ്ടൻ ഇന്ത്യൻ ഓർത്തഡോക്സ് കോൺഗ്രിഗേഷനിലെ 'പരുമല പെരുന്നാൾ' ഇന്നും നാളെയും

സ്വിണ്ടൻ ∙ യുകെ സ്വിണ്ടൻ സെന്റ് ഗ്രിഗോറിയോസ് ഇന്ത്യൻ ഓർത്തഡോക്സ് കോൺഗ്രിഗേഷനിൽ പരിശുദ്ധനായ പരുമല തിരുമേനിയുടെ ഓർമ്മപ്പെരുന്നാൾ ഇന്നും നാളെയും ആചരിക്കും. ഫാ. എബി ഫിലിപ്പ് വർഗീസ് പെരുന്നാൾ ശുശ്രൂഷകൾക്ക് മുഖ്യകർമ്മികത്വം വഹിക്കും. ഇന്ന് വൈകിട്ട് 6.15 പള്ളിയിലേക്ക് പദയാത്ര നടക്കും. തുടർന്ന് 7.15 ന് സന്ധ്യനമസ്കാരം നടക്കും.

പ്രധാന പെരുന്നാൾ ദിവസമായ നാളെ രാവിലെ 8.30 ന് പ്രഭാത നമസ്കാരവും തുടർന്ന് വി. കുർബാന, മദ്ധ്യസ്ഥ പ്രാർത്ഥന എന്നിവ ഉണ്ടായിരിക്കും. ഉച്ചയ്ക്ക് 12 ന് പെരുന്നാൾ റാസ, 12.30 ന് സ്നേഹവിരുന്ന് എന്നിവ ഉണ്ടായിരിക്കും. തുടർന്ന് 2 ന് 'പുണ്യസ്മരണ 2023' നടക്കും. തുടർന്ന് 3 ന് ആശീർവാദം, നേർച്ച വിളമ്പ് എന്നിവ ഉണ്ടായിരിക്കും.

പെരുന്നാൾ ശുശ്രൂഷകൾ നടക്കുന്ന സ്ഥലത്തിന്റെ വിലാസം:
TANWOOD SCHOOL,
Delta, 700 Welton Rd,
SN5 7XF, Swindon