മലബാർ ഗോൾഡ് ഇന്ത്യയിൽ 10 ഷോറൂമുകൾ കൂടി തുറക്കും

ദുബായ് ∙ ഇന്ത്യയിൽ പുതിയതായി 10 ഷോറൂമുകൾ കൂടി തുറക്കാൻ മലബാർ ഗോൾഡ് ആൻഡ് ഡയമണ്ട്സ്. മഹാരാഷ്ട്രയിലെ ലത്തൂർ, സതാര, നാഗ്പൂർ, കർണാടകയിലെ കോലാർ, വൈറ്റ്ഫീൽഡ്, രാജസ്ഥാനിലെ ജയ്പൂർ, ഡൽഹിയിലെ ചാന്ദ്‌നി ചൗക്ക്, ആന്ധ്ര പ്രദേശിലെ വനസ്ഥാലിപുരം, പഞ്ചാബിലെ പട്യാല, പുതുച്ചേരി എന്നിവിടങ്ങളിലാണ് പുതിയ ഷോറൂമുകൾ. ഇതോടെ, മലബാർ ‍ഗോൾഡിന്റെ ശാഖകളുടെ എണ്ണം 350 ആകും. രാജസ്ഥാനിലും പുതുച്ചേരിയിലും ആദ്യമായാണ് ഷോറൂം തുറക്കുന്നത്. ന്യൂസീലൻഡ്, ഈജിപ്ത്, തുർക്കി, ദക്ഷിണാഫ്രിക്ക, ബംഗ്ലദേശ് എന്നീ രാജ്യങ്ങളിലേക്കു കൂടി പ്രവർത്തനങ്ങൾ വിപുലീകരിക്കുമെന്ന് ഇന്റർനാഷനൽ ഓപ്പറേഷൻസ് എംഡി ഷംലാൽ അഹമ്മദ് പറഞ്ഞു.