യുഎഇയിലെ മഴക്കെടുതി; അവശ്യ വസ്തുക്കൾ എത്തിച്ച് യൂണിയൻ കോപ്

ദുബായ് ∙  യുഎഇയിൽ അടുത്തിടെയുണ്ടായ ശക്തമായ മഴക്കെടുതിയെത്തുടർന്നുള്ള സർക്കാർ രക്ഷാപ്രവർത്തനങ്ങളെ പിന്തുണയ്ക്കാൻ യൂണിയൻ കോപ് ഫുർജാൻ ദുബായ് പദ്ധതിയുമായി ചേർന്ന് പ്രവർത്തിക്കുന്നു. അൽ റഷീദിയ, അൽ ബർഷ സൗത്ത് തുടങ്ങിയ പ്രളയബാധിത പ്രദേശങ്ങളിലെ കുടുംബങ്ങൾക്ക് ഭക്ഷണം, വെള്ളം, മറ്റ് അവശ്യ വസ്തുക്കൾ എന്നിവ യൂണിയൻ കോപ് എത്തിച്ചു നൽകി. ഈ ദൗത്യം യൂണിയൻ കോപ്പിന്‍റെ കോർപറേറ്റ് സാമൂഹിക പ്രതിബദ്ധതാ പദ്ധതികളുടെ ഭാഗമാണെന്ന് അധികൃതർ അറിയിച്ചു.