ഷാർജ പുസ്തകമേളയിൽ ചെങ്ങന്നൂര്‍ ക്രിസ്ത്യൻ കോളജ് പൂർവ വിദ്യാർഥി സംഘടനയുടെ പുസ്തകം പ്രകാശനം ചെയ്യും

ദുബായ് ∙ ചെങ്ങന്നൂര്‍ ക്രിസ്ത്യൻ കോളജ് പൂർവ വിദ്യാർഥി സംഘടനയായ ക്രിസ്ത്യൻ കോളജ് അലുമിനൈ ഫെഡറേഷൻ - യുഎഇ ചാപ്റ്റർ, കേരളത്തിലെ കോളജ് പൂർവവിദ്യാർഥികളുടെ സംഘടനയായ "അക്കാഫ് അസോസിയേഷനും ഹരിതം ബുക്സുമായിചേർന്ന്, ഷാർജ പുസ്തക മേളയിൽ "സ്മൃതിലയം"എന്ന പേരിൽ പുസ്തകം പ്രകാശനം ചെയ്യുന്നു. "അക്കാഫ് അസോസിയേഷന്റെ 'എന്റെ കലാലയം - 2' എന്ന പുസ്തക രചനകളുടെ ഭാഗമായാണ്  പുസ്തക പ്രകാശനം നടക്കുന്നത്.

സംവിധായകൻ ബ്ലസി 'സ്മൃതിലയ'ത്തിന്റെ പോസ്റ്ററും, ടീസറും പ്രകാശനം ചെയ്തു.  അറുപതിലധികം പൂർവവിദ്യാർഥികൾ എഴുതുന്ന കഥയും, കവിതയും, ലേഖനവും കൊണ്ടു നിറച്ച നിറക്കൂട്ട് ആയിരിക്കും ഈ ഓർമച്ചെപ്പെന്ന് എഡിറ്റർ ചെറിയാൻ ടി കീക്കാട് അറിയിച്ചു.

ചെങ്ങന്നൂർ ക്രിസ്ത്യൻ കോളജ് അലുമിനൈ ഫെഡറേഷൻ (യു എ ഇ) ഭാരവാഹികളായ തോമസ് കോയാട്ട് (പ്രസിഡന്റ്), ഉദയവർമ്മ (സെക്രട്ടറി), ബിജി സ്ക്കറിയ (ട്രഷാറർ) ജേക്കബ് ഈപ്പൻ (അക്കാഫ് പ്രതിനിധി) എന്നിവർ ചടങ്ങിൽ പങ്കെടുത്തു. ചെങ്ങന്നൂർ ക്രിസ്ത്യൻ കോളജ് പൂർവ വിദ്യാർഥികൾക്ക് രചനകൾ അയക്കാം.

വിശദ വിവരങ്ങൾക്ക്: തോമസ് കോയാട്ട് ( 1968-'73 ബാച്ച്), പ്രസിഡൻ്റ്. +971 55 100 0931, ഉദയവർമ്മ(1979-'84 ബാച്ച്), സെക്രട്ടറി. +971 50 788 9689, ചെറിയാൻ ടി. കീക്കാട് (1978-'83 ബാച്ച്), ചീഫ് എഡിറ്റർ.  +971 50 659 8227
(വാർത്ത ∙ സിൽജി ജെ ടോം)