കുവൈത്തിൽ ഫെൻസിങ് ഫെഡറേഷൻ മുൻ പ്രസിഡന്റിന് നാല് വർഷം തടവ്

കുവൈത്ത്‌ സിറ്റി ∙ കള്ളപ്പണം വെളുപ്പിച്ചതിനും വ്യാജരേഖ ചമച്ചതിനും കുറ്റക്കാരനാണെന്ന് കണ്ടെത്തിയ ഫെൻസിങ് ഫെഡറേഷൻ മുൻ പ്രസിഡന്റിന് ക്രിമിനൽ കോടതി നാല് വർഷം തടവും 200,000 ദിനാർ പിഴയും വിധിച്ചു. 1,181,000 ദിനാർ കള്ളപ്പണം വെളുപ്പിക്കൽ കേസാണ് ചുമത്തിയിരുന്നത്.

കേസിൽ ഉൾപ്പെട്ട ട്രാവൽ ഏജൻസി ജീവനക്കാരന് മൂന്ന് വർഷത്തെ തടവ് ശിക്ഷ ലഭിച്ചു. വിദേശിയായ ഇയാളെ ശിക്ഷയ്ക്ക് ശേഷം നാട് കടത്താനും കോടതി വിധിച്ചു.