ഫ്ലോറിഡായിൽ കാർഷിക മേള
Mail This Article
×
ഫ്ലോറിഡ ∙ ഫ്ലോറിഡായിലെ മലയാളി സംഘടനയായ മലയാളി അസോസിയേഷൻ ഓഫ് റ്റാംപയുടെ ആഭിമുഖ്യത്തിൽ വിപുലമായ പരിപാടികളോടുകൂടി കാർഷിക മേള സംഘടിപ്പിക്കുന്നു. മാർച്ച് 22 ന് രാവിലെ ഒൻപതു മണി മുതൽ ക്നായി തൊമ്മൻ ഹാളിലാണു പരിപാടികൾ നടക്കുന്നത്
മധുരഫലം കായ്ക്കുന്ന വിവിധ ഇനത്തിൽപ്പെട്ട ഇരുപതിനം മാവിൻ തൈകൾ, തെങ്ങിൻ തൈകൾ, വാഴവിത്തുകൾ, കറിവേപ്പ്, കപ്പത്തണ്ട് തുടങ്ങിയവ കൂടാതെ പടവലങ്ങ, പാവയ്ക്കാ, വെണ്ട, വഴുതന, ചീര തുടങ്ങിയ നാടൻ പച്ചക്കറി വിത്തുകളും ലഭ്യമാണ്.
കാർഷിക വിത്തുകളും, തൈകളും ചെടികളും മറ്റുള്ളവരുമായി കൈമാറുന്നതിനുള്ള ഒരവസരം കൂടിയാണിത്. തട്ടുകടയാണ് ഈ മേളയുടെ പ്രധാന ആകർഷണം.കുടുംബ സമേതം ഈ കാർഷിക മേളയിൽ പങ്കെടുത്ത് ഇതൊരു വൻപിച്ച വിജയമാക്കിത്തീർക്കണമെന്ന്, അസോസിയേഷൻ പ്രസിഡന്റ് ജോൺ കല്ലോലിക്കൽ അഭ്യർഥിച്ചു.
(വാർത്ത ∙ രാജു മൈലപ്രാ)
English Summary:
Malayalee Association of Tampa conducts Agricultural fair in florida
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.