ശ്രീദേവി പ്രണയിക്കുന്ന ആ മധ്യവയസ്‌കന്‍?; പ്രിയ വാരിയരുടെ ‘ശ്രീദേവി ബംഗ്ലാവ്’ പുതിയ ടീസർ

പ്രിയ വാരിയർ നായികയായെത്തുന്ന ബോളിവുഡ് ചിത്രം ശ്രീദേവി ബംഗ്ലാവിന്റെ രണ്ടാമത്തെ ടീസര്‍ റിലീസ് ചെയ്തു. പതിവ് പോലെ തന്നെ ഇത്തവണയും ചില സംശയങ്ങള്‍ ബാക്കിവെച്ചാണ് ടീസര്‍ അവസാനിക്കുന്നത്. ശ്രീദേവിയുടെ പ്രണയനായകന്‍ ആരാണെന്ന സംശയമാണ് പുതിയ ടീസറിലെ ഉള്ളടക്കം.

സിനിമയുടെ ആദ്യ ടീസർ ബോളിവുഡിൽ വലിയ വിവാദം സൃഷ്ടിച്ചിരുന്നു. അന്തരിച്ച നടി ശ്രീദേവിയുടെ ജീവിതത്തോട് സാമ്യം തോന്നുന്ന ദൃശ്യങ്ങൾ ഉണ്ടെന്നായിരുന്നു ആരോപണം.

പ്രശാന്ത് മാമ്പുള്ളിയാണ് സംവിധാനം. പൂര്‍ണമായും ലണ്ടനിൽ ചിത്രീകരിച്ചിരിക്കുന്ന സിനിമ വലിയ മുതൽമുടക്കിലാണ് ഒരുക്കിയിരിക്കുന്നത്. ശ്രീദേവിയെന്ന കഥാപാത്രമായി പ്രിയ വാരിയർ അഭിനയിക്കുന്നു. പ്രിയാംഷു ചാറ്റർജി, ആസിം അലി ഖാൻ, മുകേഷ് റിഷി തുടങ്ങി ഹിന്ദിയിലെ പ്രമുഖ താരങ്ങൾ ചിത്രത്തിൽ അണിനിരക്കുന്നു. ആറാട്ട് എന്റർടെയ്ൻമെന്റ്ിന്റെ ബാനറിൽ ചന്ദ്രശേഖർ എസ്‍.കെ, മനിഷ് നായർ, റോമൻ ഗിൽബെർട്ട് എന്നിവർ ചേർന്നാണ് ചിത്രം നിർമിച്ചിരിക്കുന്നത്. മെയ് മാസം ചിത്രം തിയറ്ററുകളിലെത്തും.