‘സ്ഫടികം’ ഫൈറ്റുമായി വിനായകൻ; തൊട്ടപ്പൻ ടീസർ

കിസ്മത്ത് എന്ന സൂപ്പർഹിറ്റിനു ശേഷം ഷാനവാസ് എം.ബാവക്കുട്ടി സംവിധാനം ചെയ്യുന്ന തൊട്ടപ്പന്റെ ടീസർ എത്തി. വിനായകൻ നായകനാകുന്ന ചിത്രം ആക്‌ഷൻ ത്രില്ലറായിരിക്കുമെന്നാണ് ടീസറിൽ നിന്നും ലഭിക്കുന്ന വിവരം. തിയറ്ററിനുള്ളിൽ നടക്കുന്നൊരു ആക്‌ഷൻ രംഗമാണ് ടീസറിൽ കാണാനാകുക.

വിനായകനൊപ്പം പുതുമുഖമായ പ്രിയംവദ കൃഷ്ണൻ, റോഷൻ, ദിലീഷ് പോത്തൻ, മനോജ് കെ ജയന്‍, കൊച്ചു പ്രേമന്‍ തുടങ്ങി വലിയ താരനിര ചിത്രത്തിലുണ്ട്.

ഫ്രാന്‍സിസ് നൊറോണയുടെ ഇതേ പേരിലുള്ള കഥയ്ക്ക് തിരക്കഥയൊരുക്കിയിരിക്കുന്നത് പി.എസ്. റഫീഖ്. മുഴുനീള നായക വേഷത്തിൽ വിനായകന്റെ ആദ്യ ചിത്രമെന്ന പ്രത്യേകതയും തൊട്ടപ്പനുണ്ട്.