ധനുഷിന്റെ നായികയായി ഐശ്വര്യ ലക്ഷ്മി; സംവിധാനം കാർത്തിക് സുബ്ബരാജ്

കാര്‍ത്തിക് സുബ്ബരാജ് സംവിധാനം ചെയ്യുന്ന ധനുഷ് ചിത്രത്തില്‍ നായികയായെത്തുന്നത് ഐശ്വര്യ ലക്ഷ്മിയെന്ന് റിപ്പോര്‍ട്ട്. രജനി ചിത്രം േപട്ടയ്ക്കു ശേഷം കാർത്തിക് സുബ്ബരാജ് ഒരുക്കുന്ന ചിത്രം കൂടിയാണിത്.

വൈ നോട്ട് സ്റ്റുഡിയോസാണ് നിർമാണം. ചിത്രത്തിന്റെ പ്രീ പ്രൊഡക്‌ഷന്‍ വര്‍ക്കുകള്‍ ആരംഭിച്ചുകഴിഞ്ഞു. കൂടുതല്‍ വിവരങ്ങൾ പുറത്തുവന്നിട്ടില്ല.

വിശാലിനെ നായകനാക്കി സുന്ദര്‍ സി. ഒരുക്കുന്ന മറ്റൊരു തമിഴ് ചിത്രത്തിലും ഐശ്വര്യയാണ് നായിക. തമന്നയാണ് ചിത്രത്തിലെ മറ്റൊരു നായിക.

അതിനിടെ മലയാളത്തിലും ഐശ്വര്യയ്ക്കു കൈനിറയെ ചിത്രങ്ങളാണ്. പൃഥ്വിരാജ് നായകനാകുന്ന ബ്രദേഴ്സ് ഡേയാണ് ഐശ്വരയുടേതായി റിലീസിനൊരുങ്ങുന്ന പുതിയ പ്രോജക്ട്.