‘കുറച്ച് ഓവർ അല്ലേ’; ടൈഗറിന്റെ ബാഗി 3 ട്രെയിലറിനു വിമർശനം

ടൈഗർ ഷ്രോഫ് നായകനാവുന്ന ബാഗി 3 യുടെ ട്രെയിലർ എത്തി. അഹമ്മദ് ഖാൻ സംവിധാനം ചെയ്ത് സാജിദ് നദിയദ്വാല നിർമിക്കുന്ന ചിത്രത്തിൽ ശ്രദ്ധ കപൂർ നായികയാവുന്നു. റിതേഷ് ദേശ്മുഖും ചിത്രത്തിൽ പ്രധാന വേഷത്തിൽ അഭിനയിക്കുന്നു.

മാധവനും ആര്യയും ഒന്നിച്ചെത്തിയ വേട്ട എന്ന തമിഴ് ചിത്രത്തിന്റെ റീമേക്ക് കൂടിയാണ് ബാഗി 3. സിനിമയുടെ ട്രെയിലറിന് നേരെ വലിയ വിമർശനം ഉയരുന്നുണ്ട്. ആക്‌ഷൻ കുറച്ച് ഓവർ ആണെന്നാണ് പ്രേക്ഷകരുടെ അഭിപ്രായം. കണ്ടുമടുത്ത ആക്‌ഷൻ രംഗങ്ങള്‍ മാത്രമാണ് ട്രെയിലറിൽ കാണാനാകുന്നതെന്നും വിമർശനമുണ്ട്. 

ഇതിലും നല്ലത് ഹൃതിക് റോഷൻ ചിത്രമായ ‘വാർ’ ഒന്നുകൂടി കാണുന്നതാണെന്നും അതേ പ്രമേയമാണ് ചിത്രത്തിന്റേതെന്നും മറ്റുചിലർ ചൂണ്ടിക്കാട്ടുന്നു. ചിത്രം മാർച്ചിൽ റിലീസിനെത്തും.