വൈറലായി മോഹൻലാലിന്റെ പുതിയ ചിത്രം: ബറോസ് ലുക്കെന്ന് ആരാധകർ

ലോക്ഡൗൺ കാലത്ത് നീട്ടി വളർത്തിയ താടി നീക്കിയ മലയാളത്തിന്റെ പ്രിയ താരം മോഹൻലാലിന്റെ ചിത്രങ്ങൾ കഴിഞ്ഞ ദിവസമാണ് സമൂഹമാധ്യമങ്ങളിൽ വൈറലായത്. എന്നാൽ താരം ഇന്ന് സമൂഹമാധ്യമത്തിൽ പങ്കു വച്ച ‘താടി’  ചിത്രം ആരാധകർക്കിടയിൽ ചർച്ചയാകുകയാണ്. മോഹൻലാൽ തന്നെ സംവിധാനം ചെയ്യുന്ന ബറോസ് സിനിമയിലെ ലുക്കാണ് ഇതെന്ന് ആരാധകർ വാദിക്കുന്നു. 

പ്രത്യേക തരത്തിലുള്ള കണ്ണാടിയും തൊപ്പിയും അണിഞ്ഞ് ഒരു കൊട്ടാരസമാനമായ സെറ്റിൽ ഇരുന്നാണ് താരത്തിന്റെ പുതിയ ചിത്രം. ഇതാണ് പുതിയ ചിത്രം ബറോസിലേതാണ് എന്ന് ആരാധകർ സംശയിക്കാനുള്ള കാരണം. എന്നാൽ അടുത്തിടെ പങ്കെടുത്ത ഒരു ഒാണം സ്പെഷൽ പരിപാടിയുടേതാണ് ചിത്രമെന്നാണ് അദ്ദേഹത്തോട് അടുത്ത ആളുകൾ സൂചിപ്പിക്കുന്നത്. 

ജീത്തു ജോസഫ് സംവിധാനം ചെയ്യുന്ന ദൃശ്യം 2 ആണ് മോഹൻലാലിന്റെ പുതിയ ചിത്രം. സിനിമയുടെ ഷൂട്ടിങ് ഉടൻ ആരംഭിച്ചേക്കുെമന്ന് റിപ്പോർട്ട് ഉണ്ട്. ആശീർവാദ് സിനിമാസിനു വേണ്ടി ആന്റണി തന്നെ നിർമിക്കുന്ന ദൃശ്യം 2 നിയന്ത്രിത സാഹചര്യത്തിൽ ചിത്രീകരിച്ചു പൂർത്തിയാക്കുന്നൊരു ക്രൈം ത്രില്ലർ ആണെന്നാണ് അണിയറക്കാർ പറയുന്നത്.